पोखरा, ३० चैत। पोखरा–९, नयाँबजारस्थित राममन्दिर सेवा समितिको शनिबार विशेष साधारण सभा बस्यो।

भगवान् रामचन्द्रको जन्मोत्सव अवसरमा बसेको साधारण सभामा समाधि परसर जग्गामा सुविधासम्पन्न क्रियाकर्म गर्ने घर शवदाहका लागि दाउरा डीपो निर्माण गर्ने निर्णय गरिएको छ।

समितिअन्तर्गत १४२ कित्ताको साढे ५ रोपनी जग्गामध्ये करिब १ रोपनी जग्गामा उक्त संरचना निर्माण गर्न लागिएको मन्दिरका प्रमुख संरक्षक युवराज श्रेष्ठले जानकारी दिए।

समिति अध्यक्ष नारायणप्रसाद बास्तोलाको अध्यक्षतामा भएको सभा सचिव महेश सिग्देलले संचालन गरेका थिए।

उक्त अवसरमा भगवान् रामचन्द्रको पूजापाठ, रुद्री हवन, सिद्धपूजा र भजनकीर्तन गरिएको मन्दिरका पण्डित कृष्ण सुवेदीले जानकारी दिए।