पर्यटक दौडमा अमेरिकाका ब्रायन प्रथम

आदर्श समाज सम्वाददाता
चैत्र ३०, २०७५
Tourist race 2

पोखरा, ३० चैत ः सोह्रौ फेवा नव बर्ष महोत्सव अन्तर्गत शनिवार पोखराको लेकसाइडमा आयोजित पर्यटक दौड प्रतियोगितामा अमेरिकाका ब्रायन किन प्रथम भएका छन् । यसैगरी बेलायतका एलेक्स हक्कन द्वितीय भए भने क्यानडाका माइकर बेकरले तृतीय स्थान हासिल गरे ।

प्रतियोगिता अन्तर्गत महिलातर्फको छुट्टै मुल्यांकनमा बेलायतकी हाना कारस प्रथम, फ्रान्सकी भिओलेट लेफर दोश्रो र अमेरिकाकी सारा कोइनी तृतीय भए । प्रतियोगितामा विभिन्न देशका कूल ६६ पर्यटकले सहभागिता जनाएको प्रतियोगिता संयोजक अनिल सिंहले जानकारी दिए । पोखराको हल्लनचोक स्थित पिस प्लाजा होटल देखि रत्न मन्दिरको दक्षिणी गेटसम्म सहभागीहरु दौडिएका थिए ।

प्रतियोगितामा प्रथम हुनेले बुद्ध वा यति एयरको पोखरा–काठमाडौं उडान टिकट, मायाको चिनो, विजी वी क्याफेमा ककटेल डिनर र सिइङ हेण्ड्समा मसाजको सुविधा पाएका छन् । यसैगरी द्वितीय हुनेलाई अन्नपूर्ण वा पोखरा प्याराग्लाइडिङ कम्पनीबाट ३० मिनटको टेण्डम उडान सुविधा, मायाको चिनो, विजी बी क्याफेमा ककटेल डिनरको सुविधा र सिइङ हेण्ड्समा मसाजको सुविधा प्रदान गरियो । तृतीयका लागि भने पोखरा–काठमाडौं रुटमा ग्रिनलाइन टुर्सको टिकट, मायाको चिनो, सोही क्याफेमा ककटेल डिनर र उल्लेखित पार्लरमा मसाजको सुविधा व्यवस्था गरिएको थियो । प्रशंशापत्र सबै सहभागीका लागि प्रदान गरिएको थियो ।

आयोजक पश्चिमाञ्चल होटल संघका अध्यक्ष एवं महोत्सव संयोजक विकल तुलाचनले पोखरा प्रबद्र्धनमा पर्यटक दौड प्रतियोगिताले राम्रो प्रभाव छाड्दै आएको बताए । प्रतियोगिताका सहभागी र अन्य उपस्थित सबैलाई तुलाचनले धन्यवाद ज्ञापन गरेका थिए । पुरस्कार वितरण कार्यक्रम संघका महासचिव गणेशराज पहारीले संचालन गरेका थिए ।

Related News

सम्बन्धित समाचार

  • पोखरामा हाफ म्याराथन हुने

    आदर्श समाज सम्वाददाता जेठ २६, २०८०
    लेखनाथ । पोखरा महानगरपालिका खेलकुद विकास समितिको आयोजना तथा कास्की एथ्लेटिक्स संघको प्राविधिक सहयोगमा शनिबार हाफ म्याराथन हुने भएको छ…
  • प्रदेशस्तरीय पुरुष बास्केटबल सुरु

    आदर्श समाज सम्वाददाता जेठ २६, २०८०
    पोखरा । प्रदेश खेलकुद परिषद गण्डकीको आयोजना पोखरा रंगशालामा बिहीबारदेखि गण्डकी प्रदेशस्तरीय पुरुष बास्केटबल प्रतियोगिता सुरू भएको छ । ३…
  • टेबलटेनिस खेलाडीको छनोट

    आदर्श समाज सम्वाददाता जेठ २६, २०८०
    पोखरा । प्रदेश खेलकुद परिषद् गण्डकीको आयोजना तथा कास्की जिल्ला टेबलटेनिस संघको व्यवस्थापनमा गण्डकी प्रदेशस्तरीय टेबुलटेनिस प्रतियोगिताको लागि कास्कीका खेलाडी…
  • अन्तरसामुदायिक विद्यालयस्तरीय छात्रछात्रा क्रिकेट सुरु

    आदर्श समाज सम्वाददाता जेठ २५, २०८०
    पोखरा । दोस्रो संस्करणको ब्रेकिङ बाउन्ड्रिज कास्की जिल्लास्तरीय अन्तरसामुदायिक छात्रछात्रा टी–२० क्रिकेट प्रतियोगिता बिहीबारदेखि सुरु भएको छ । पोखरा क्रिकेट…
  • गण्डकी कबड्डी संघमा पवन

    आदर्श समाज सम्वाददाता जेठ २४, २०८०
    पोखरा । पवनकुमार प्रजापतीको अध्यक्षतामा १२ सदस्यीय गण्डकी प्रदेशस्तरिय कबड्डी संंघ गठन भएको छ । पोखरामा मंगलबार प्रथम अधिवेशनले पोखरा…

hero news full width