नेपाल बोटल वाटर उद्योग संघ गण्डकी प्रदेशको साधारण सभा

आदर्श समाज सम्वाददाता
चैत्र २५, २०७५
water photo_Fotor

पोखरा, २४ चैत। गण्डकी प्रदेश सभा सदस्य विन्दुकुमार थापाले पिउने पानी उद्योगको भूमिका महत्वपुर्ण हुने बताएका छन्।

नेपाल बोटल वाटर उद्योग संघ गण्डकी प्रदेश पोखराको पाँचौ बार्षिक साधारण सभालाई आइतवार सम्बोधन गर्दै थापाले पानीकै कारण मानिसमा ६० प्रतिशत रोग देखा पर्ने भएकाले शुद्ध पिउने पानी आवश्यक पर्ने बताए।

उद्योगी ब्यवसायीले नाफा कमाउने मात्रै नभई उपभोक्ताको अधिकार लाई ख्याल गर्नुपर्ने सुझाब समेत उनले दिए। पानी उद्योगले व्यापारीलाई सस्तो मुल्यमा पानी उपलब्ध गराएको भएपनि उपभोक्ताले त्यसको एक सय प्रतिशत वढी मुल्यमा खरिद गर्नु परेको भन्दै पानीको मुल्य घटाउन माग गरे।

नेपाल बोटल वाटर उद्योग संघका केन्द्रीय उपाध्यक्ष साजनलाल प्रधानले पानी उद्योगप्रतिको सरकारी दृष्टिकोण अझैपनि सकरात्मक हुन नसकेको प्रति चिन्ता व्यक्त गरे। पिउने पानीको मुल्यमा एकरुपता ल्याउन केन्द्रीय स्तरमा छलफल भइरहेको भनई उनको छ।

नेपाल बोटल वाटर उद्योग संघ गण्डकी प्रदेशका संयोजक यदुनाथ अधिकारीले गण्डकी प्रदेशमा ५० भन्दा बढि पानी उद्योग रहेको बताउदै संघमा अहिले २७ वटा मात्र पानी उद्योग आवद्ध रहेको जानकरी दिए।

नेपाल खानेपानी सस्थानले वितरण गर्दै आएको पानीमा कोलिर्फम मात्रा अत्याधिक भएको बताए। नेपाल पानीमा आत्म निर्भर भएपनि बार्षिक २० – २५ करोड रुपैयाँ बरावरको विदेशी पिउने पानी नेपाल भित्रने गरेको जानकारी उनले दिए।

पोखरा उद्योग बाणिज्य संघका अध्यक्ष दामु अधिकारी, पोखरा च्याम्बर अफ कमर्सका अध्यक्ष किसान सुनार, सुजल प्लाष्टिकका सुजल श्रेष्ठ, दि विन्देश्वरी पानी उद्योगका संचालक ऋषिरामसापकोटा, लेखबहादुर प्रधान, प्रेम बहादुर क्षेत्री आफ्ना भनाइृ राखेका थिए।

गण्डकी प्रदेश भित्र पानी उद्योगमा रहेको लगानी एक अर्व ५० करोड रुपैयाँ भएको जानकरी पानी उद्योग कम्पनीहरुले दिएका छन्।

Related News

सम्बन्धित समाचार

  • दूध उत्पादक किसान र सरकारबीच सहमति, आन्दोलन स्थगित

    आदर्श समाज सम्वाददाता फागुन २०, २०८०
    पोखरा ।   दूध उत्पादक किसान र सरकारबीच ५  बुँदे सहमति भएको छ । शनिबार साँझ भएको वार्तामा सहमति भएको हो…
  • संघका टुक्रे योजनाको रकमान्तर, प्रदेशका अधुरा योजनामा थपियो बजेट

    आदर्श समाज सम्वाददाता फागुन २०, २०८०
    पोखरा । स्याङ्जाको मिर्मीदेखि क्याक्मी हुँदै तनहुँको भीमाद सडक आयोजनाका लागि चालु आर्थिक वर्षमा कत्ति पनि बजेट परेन । संघ…
  • ढोडबेंसीको स्वादिलो खुदो

    आदर्श समाज सम्वाददाता फागुन १८, २०८०
    पोखरा । प्राचीन कालदेखि नै खुदोले चिनिएको क्षेत्र हो पोखरा–३२ स्थित मालेपाटन ढोडबेँसी । प्रत्येक वर्षको पुसे पन्ध्र होस् वा…
  • बिग मार्टको पोखरामा ५ शाखा एक साथ

    आदर्श समाज सम्वाददाता फागुन १७, २०८०
    पोखरा । बिग मार्टले पोखरामा ग्रान्ड ओपेनिङ गर्ने भएको छ । काठमाडौंमा ९० स्टोर सञ्चालन गरिरहेको बिगमार्टले १९ फागुनमा पोखराको…
  • घान्द्रुकमा वित्तीय साक्षरता

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिकाको घान्द्रुकमा वित्तीय साक्षरता सम्बन्धी अभिमुखीकरण कार्यक्रम भएको छ । त्यहाँ अन्नपूर्ण–२, नौडाँडा स्थित धौलागिरी लघुवित्त वित्तीय…

hero news full width