राममन्दिरमा विराट महायज्ञ शुरु

आदर्श समाज सम्वाददाता
चैत्र २४, २०७५
mahayagya_Fotor

पोखरा, २३ चैत। पोखरा–१७, बिरौटास्थित राममन्दिरमा श्रीमद्भागवत् नवाह विराट ज्ञानमहायज्ञ शुरु भएको छ। उक्त महायज्ञको गलेश्वर आश्रम देवघाटका पीठाधीश स्वामी आत्मानन्द गिरीले शनिबार उद्घाटन गरे।

प्रमुख अतिथिले स्वामी आत्मानन्दले अब सरकारको मुख ताकेरमात्र नबसी र धार्मिक विकास र संरक्षणका लागि नागरिकहरु नै जुटेर काम गर्नुपर्ने बेला आएको बताए।

राम मन्दिरले विभिन्न अनुष्ठानहरु सम्पन्न गर्दै आएको चर्चा गर्दै उनले मन्दिर अध्यक्ष लीलाभक्त यस क्षेत्रकै भीष्मपितामह भएको उल्लेख गरे।

पोखरा महानगरपालिका प्रमुख मानबहादुर जिसीले मन्दिरका योजनाहरुलाई पूरा गर्न सघाउने बताए।

प्रदेश सभा सदस्य कृष्ण थापाले मन्दिरको आफ्नै प्रयासबाट भौतिक संरचनाहरु निर्माण भएकोमा खुसी व्यक्त गरे।

अध्यक्षको आशनबाट श्रीराम मन्दिर सञ्चालक समितिका अध्यक्ष लीलाभक्त आचार्यले दान गर्ने मान्छे कहिल्यै गरीब नहुने र कञ्जुसहरु कहिल्यै धनी नहुने बताए।

कार्यक्रममा प्रमुख वाचक दयानिधि गौतम, पोखरा–१७ का वडा अध्यक्ष तीर्थराज अधिकारी, पोखरा उद्योग वाणिज्य महासंघका महासचिव अर्जुन पोखरेल, विश्व हिन्दू महासंघ कास्कीका अध्यक्ष शंकर खराल, रामेश्वर आमा समूहका अध्यक्ष दुर्गा अधिकारीले मन्तव्य राखेका थिए।

महायज्ञ मूल आयोजक समितिका वरिष्ठ उपाध्यक्ष रुद्रनाथ बरालको स्वागत मन्तव्य रहेको सो कार्यक्रमको सञ्चालन सचिव पुण्डरीप्रसाद बरालले गरेका थिए।

महायज्ञ उद्घाटन अघि कलश यात्रा गरिएको थियो।

महायज्ञको उद्घाटन समारोहमै अध्यक्ष लीलाभक्त आचार्यले १२ लाख १२ हजार १२ रुपैयाँ दान घोषणा गरे।

यसैगरी गरिमा विकास बैंकले ५१ हजार एक सय ११ र महायज्ञका प्रमुख वाचक दयानिधि गौतमले आफ्नो शिक्षकको तलब अर्पण गर्ने घोषणा गरेका थिए।

महायज्ञ वैशाख १ गतेसम्म चल्ने छ।

Related News

सम्बन्धित समाचार

  • गण्डकी बोर्डिङका शिक्षकलाई तालिम

    आदर्श समाज सम्वाददाता वैशाख १२, २०८१
    पोखरा । खुसी हुनु मानिसको मूल स्वभाव हो । तर अचेल व्यस्त दैनिकीका कारण मानिस आफ्नो खुसी हुने स्वभाव बिर्सिएर…
  • प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन

    आदर्श समाज सम्वाददाता वैशाख १२, २०८१
    पोखरा । पोखरा । प्रधानाध्यापक संघ नेपाल (प्रिन्सिपल एसोसियन नेपाल–पान) को पोखरामा सम्पन्न पहिलो भेलाले वामदेव पौड्यालको अध्यक्षतामा गण्डकी प्रदेशस्तरको…
  • एनटिभिएको शुभकामना आदानप्रदान

    आदर्श समाज सम्वाददाता वैशाख १२, २०८१
    पोखरा । नेपाल पर्यटक यातायात व्यवसायी संघ (एनटिभिए) गण्डकीले नयाँ वर्ष अवसरमा शुभकामना आदानप्रदान एवं टेबुल क्यालेन्डर लोकार्पण गरेको छ…
  • पोखरा १३ मा निशुल्क तालिम

    आदर्श समाज सम्वाददाता वैशाख १२, २०८१
    पोखरा । पोखरा १३ ले निशुल्क सिपमूलक तालिम उपलब्ध गराएको छ । एड्भान्स कटाइसिलाइ, डिप्लोमा ब्युटी पार्लर, लोकसेवा अनलाइन कक्षा…
  • जलारी समुदायबारे वृत्तचित्र

    आदर्श समाज सम्वाददाता वैशाख १२, २०८१
    पोखरा । जलारी समुदायबारे निर्माण भएको वृत्तचित्र सार्वजनिक गरिएको छ । गण्डकी प्रज्ञा प्रतिष्ठानले निर्माण गरेको वृत्तचित्र मंगलबार सार्वजनिक गरेको…

hero news full width