पोखरा, २१ चैत । नेपाल बार एशोसिएसनको मतगणनामा प्रगतिशील र प्रजातान्त्रिक समूहबीच कडा प्रतिस्पर्धा देखिएको छ ।

अध्यक्षका दुई प्रत्यासी मध्य एक सय मतले अघिपछि हुने क्रम भइरहँदा पछिल्लो मत गणना अनुसार प्रगतिशील पक्षका अध्यक्षका उम्मेदवार चन्डेश्वर श्रेष्ठ८० मतले अगाडि देखिएका छन् ।

श्रेष्ठले दुई हजार चार सय ४५ मत प्राप्त गर्दा प्रजातान्त्रिक समूहका सुनीलकुमार पोखरेलले दुई हजार तीन सय ७५ मत प्राप्त गरेका छन् । १० हजार ३ सय १३ मतदातामध्ये ८ हजार ३ सय २९ मत खसेको थियो। अब दुई हजार पाँच सय ८५ मत गणना गर्न बाँकी छ ।

महासचिवमा भने लोकतान्त्रिक समूहका लीलामणि पौडेल अगाडि छन्। पौडेलले दुई हजार चार सय ५४ मत पाउँदा प्रगतिशील पक्षका सुरेन्द्रबहादुर थापाले दुई हजार तीन सय १४ मत प्राप्त गरेका छन्।प्रमुख निर्वाचन अधिकृत दामोदर खड्काले विहीवार नौ वजेवाट फेरि मत गणना सुरु भएको छ । नेपाल बारको नयाँ नेतृत्वका लागि शनिबार देशैभरी निर्वाचन भएको थियो ।