हेमजा, १९ चैत। सामुदायिक सेवा केन्द्र बगरको १६ औँ वार्षिकोत्सव मंगलवार सम्पन्न भयो।

सो अवसरमा केन्द्रले स्थानीय सस्कृत माविमा अध्ययनरत बटुकको संरक्षणका लागि १० हजार एक सयको अक्षयकोष स्थापना गरेको छ।

प्रमुख अतिथि वडा प्रहरी कार्यालय बगरका इञ्चार्ज प्रहरी निरीक्षक दीपक थापाले सामाजिक विकृति विसंगति न्यूनीकरण गर्न केन्द्रे खेलेको भूमिकाको प्रशंसा गर्दै त्यस्ता कार्यहरुलाई निरन्तरता दिनुपर्नेमा जोड दिए।

सो अवसरमा केन्द्रका अध्यक्ष मनपति भण्डारी, विद्यालय व्यवस्थापन समिति अध्यक्ष गोविन्द नेपाली, प्रधानाध्यापक गोविन्द सिग्देल, सहायक प्रधानाध्यापक तथा संस्कृत विद्यापिठका संयोजक श्रीकृष्ण सिग्देल, केन्द्रका निवर्तमान अध्यक्ष जीवन अधिकारी, पूर्व अध्यक्ष पुरुषोत्तम श्रेष्ठ, संस्थापक अध्यक्ष सीता गुरुङ लगायतले बोलेका थिए।

कार्यक्रम सेवा केन्द्रका अध्यक्ष भण्डारीको अध्यक्षतामा भएको थियो।