पोखरा, २० चैत । बारा र पर्सा जिल्लाका हावाहुरी प्रभावितलाई सुदूर पश्चिम प्रदेशले एक करोड रुपैयाँ सहयोग गर्ने भएको छ ।

प्रदेशको मंगलवार बसेको मन्त्रिपरिषद् बैठकले प्रभावित प्रदेश २ ले स्थापना गरेको राहत कोषमा उक्त रकम जम्मा गर्ने निर्णय गरेको मुख्यमन्त्री त्रिलोचन भट्टले जानकारी दिएका छन् । देशभित्र विपद् आइलाग्दा सहयोग गर्ने मानवीय र देशभित्रकै अर्को प्रदेशको पनि दाहित्व हो, त्यही दायित्व पूरा गर्न राहत कोषमा उक्त रकम राख्ने निर्णय गरेका हौ भट्टले भने ।

यस अघि पनि प्रदेश नं ३ ले पनि हावाहुरी प्रभावितलाई राहत स्वरुप एक करोड रुपैयाँ दिने निर्णय गरिसकेको छ । आइतवार अचानक आएको हावाहुरीवाट ३५ जनाको मृत्यु र पाँच सयभन्दा वढि घाइते छन् भने अधिकाशंको घरवास उडाएको छ ।