औषधि बोकेर डा.केसी बारा जिल्ला पुगे

एजेन्सी
चैत्र १९, २०७५
kc

पोखरा, १९ चैत । त्रिवि शिक्षण अस्पतालका वरिष्ठ चिकित्सक गोविन्द केसी औषधि लिएर हावाहुरी प्रभावित जिल्ला बारा पुगेका छन् ।

हावाहुरीबाट घाइते भएका सर्वसाधारणको उपचार गर्न केसी बाराको फेटास्थित पुरनियाँ गाउँ पुगेका हुन, उनले त्यहाँ स्वास्थ्य शिविर संचालन गर्ने छन् ।

हावाहुरी पीडितलाई औषधि, लत्ताकपडा र खाद्यान्न वितरण गर्ने छन् । केसी सोमबार रात्रीबस चढेर एक्लै बारा हिँडेका हुन् फेटा बाराको सबैभन्दा बढी हावाहुरी प्रभावित ठाउँ हो।

मेरो साथमा स्थानीय स्वास्थ्यकर्मी पनि छन् – केसीले भने, ‘यहाँ शिविर चलाउँछु। औषधि र लत्ताकपडा लिएर आएको छु।’ केसीले सो क्षेत्रमा मंगलबार दिनभरि शिविर चलाउने भएका छन्। उनले हाडजोर्नी सम्बन्धी औषधि बढी बोकेका छन्। यस्तै, सिटामोल, पारासिटामोललगायत विभिन्न प्रकारका औषधि वितरण गर्ने छन्।

आफ्नो व्यक्तिगत खर्चमा उनी हावाहुरी पीडितको उपचार गर्न गाउँमै पुगेका हुन्। आइतवार राति हावाहुरी आउँदा बारा र पर्सा जिल्लामा ३५ जनाको मृत्यु भएको थियो।

घटनामा पाँच सय बढी घाइते छन्। घाइतेहरूको बारा र पर्साका विभिन्न अस्पतालहरूमा तथा काठमाडौंस्थित त्रिवि शिक्षण अस्पतालमा उपचार भइरहेको छ।

Related News

सम्बन्धित समाचार

hero news full width

trending post

ट्रेन्डिङ्ग