अझै दुई दिन बर्षा हुने

एजेन्सी
चैत्र १६, २०७५
rainfall-429×310

पोखरा, १६ चैत । शुक्रवार साँझ देखि नै पोखरा तथा देशका धेरै भागमा मौसम बदली भएको छ। जल तथा मौसम पूर्वानुमान महाशाखाका अनुसार काठमाडौं, पोखरा उपत्यकासहित देशका अधिकांश स्थानमा मेघ गर्जनसहित वर्षा हुने सम्भावना छ।

महाशाखाकी मौसमविद् मञ्ज बासीका अनुसार शनिवार देशभरजसो दिनभर वर्षा हुने सम्भावना छ। विशेषगरी काठमाडौं तथा पोखरा उपत्यकासहित मध्य, पश्चिमी तथा पूर्वी भेगमा मेघ गर्जनसहित पानी पर्ने देखिएको छ। ‘मौसमचाहिँ दिनभर देशभर नै बदली हुनेछ। पानी पर्ने र बीच–बीचमा रोकिने देखिन्छ।’

प्रि–मनसुन जारी रहेकाले हावाहुरी आउनु तथा चट्याङ पर्नु स्वाभाविक र नियमित प्रक्रिया भएको मौसमविद् बासीले बताइन्। यस्तै हिमाली भेगका केही स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ।

मौसम खुल्न अझै एकदुई दिन लाग्ने मौसमविद् बासीले जानकारी दिइन्। उनले भनिन् ‘मौसम अझै एकदुई दिन डिस्टर्ब नै देखिन्छ। यो भारत बिहारमा देखिएको न्यून चापीय रेखा र पश्चिमी वायुका बाँकी अंशको प्रभावले हो।’

Related News

सम्बन्धित समाचार

hero news full width