सडक फारकिलो पार्ने क्रममा तीन सेना घाइते

आदर्श समाज सम्वाददाता
चैत्र १५, २०७५
images (1)

पोखरा, १५ चैत । बाग्लुङको काठेखोला गाउँपालिका–८ लेखानी कुर्लीमारेको भित्री सडकखण्ड फराकिलो पार्ने क्रममा शुक्रवार सडकमाथिबाट सुख्खा पहिरो खस्दा नेपाली सेनाका तीन जवान घाइते भएका छन् ।

स्थानीयले सहयोग मागेपछि सोही गाँउपालिका—५ मा रहेको नेपाली सेनाको अर्जुनबार्ण गण घोडाबाँधेबाट २० जनाको टोली सडक फराकिलो पार्न त्यहाँ पुगेको थियो । विहान ९.०० वजे सडक फराकिलो पार्ने क्रममा सडकमाथिबाट खसेको सुख्खा पहिरो खसेर पुर्दा नेपाली सेनाका तीन जना जवान घाइते भएका हुन् ।

पहिरोमा परी घाइते तीन सेनालाई अञ्चल अस्पताल बाग्लुङमा उपचारका लागि ल्यायएको भएपनि थप उपचारका लागि पहलमान श्रेष्ठ र सन्तोष कार्कीलाई काठमाण्डौ स्थित वीरेन्द्र सैनिक अस्पताल पठाइएको जानकारी अर्जुनवाण गणका प्रमुख सेनानी भुवनराज देवकोटाले बताए । सामान्य घाइते एक जवानको भने धौलागिरी अस्पतालमा उपचार भइरहेको छ ।

Related News

सम्बन्धित समाचार

hero news full width