पोखरा, १३ चैत । पोखरा–१३ निवासी स्व टोमप्रसाद सिग्देका परिवारद्वारा संस्कृत माध्यामिक विद्यालय भिमकाली पाटनका वटुकलाई खाद्यान्न वितरण गरिएको छ ।

मानव मिलन नारी जागरण नेपालद्वारा आयोजित स्व. टोमप्रसाद सिग्देलको चौथो वार्षिक तिथिमा तथा सिग्देलको स्मृतिमा उक्त विद्यालयका विद्यार्थीलाई बुधवार खाद्यान्न प्रदान गरिएको हो ।

गण्डकी प्रदेशका उपसभामुख सृजना शर्माले खाद्यन्न वितरण गर्दै संस्कृत विद्यालयमा हुने शिक्षाको गुणस्तर र विद्यार्थी संख्या बृद्धि गर्नुपर्नेमा जोड दिएकी थिइन् ।

सफलता एफएमकी संचालिका दुर्गा अधिकारीले सरकारी विधालय व्यवस्थित वनाउन शिक्षा नीतिमा सुधार ल्याउनु पर्नेमा जोड दिएकी छन् । शिक्षक गोविन्द प्रसाद सिग्देलले स्कुलमा रहेका ६५ जना वटुकलाई निजी क्षेत्रवाट सहयोग जुटाउदै आएको बताए ।

विद्यालय व्यवस्थापन समितीका अध्यक्ष गोविन्द नेपालीले विद्यालयको शैक्षिक सुधारमा व्यवस्थापन समिति सक्रिय रुपमा अगाडि वढेको बताए ।

उक्त अवसरमा विश्व हिन्दु महासंघका प्रतिनिधि शंकर खराल, प्रकाश शर्मा, विधार्थी नेता हरिवोल गौतम लगायतले आफ्ना धारणा व्यक्त गरेका थिए ।

साथै स्व.टोमप्रसाद सिग्देलको स्मृतिमा विद्यालयमा २५ हजार वरावरको अक्षयकोषको स्थापना गरिएको छ । मानव मिलन नारी जागरण नेपालका अध्यक्ष सविता बरालको अध्यक्षतामा उक्त कार्यक्रम सम्पन्न भएको थियो ।