लमजुङ, ११ चैत । लमजुङमा चालु आर्थिक वर्षको पहिलो चार महिनामा कार्तिक महिनासम्म जिल्लामा ४० जना क्षेयरोगका विरामी फेला परेका छन् । विगतका वर्षको तुलनामा यो सँख्या कम हो तर पनि यो रोगको नियन्त्रणमा अझै पनि चुनौति रहेको जनस्वास्थ्य कार्यालयले पत्रकार भेटघाट कार्यक्रम गरी जनाकारी दिएको हो ।

गत आर्थिक वर्ष २०७४÷७५ को अवधिमा जिल्लामा एक सय ४२ जना क्षयरोगका विरामी फेला परेका थिए । आर्थिक वर्ष २०७३÷७४ मा एकसय ४९ जना विरामी भेटिएका र आ.व. ०७२÷७३ मा एकसय ५६ जना क्षयरोगका विरामी फेला परेको जिल्ला जन स्वास्थ्य कार्यालयको रेकर्डमा देखिएको सो कार्यालयका प्रमुख केशव प्रसाद चापागाईले बताए । उनका अनुसार यो तथ्याँक क्षयरोगका विरामीहरु अस्पतालसम्म आएकाहरुको मात्र हो । स्वास्थ्य सँस्थाको पहुँचमा नआएका ग्रामीण भेगहरूमा अझ धेरै क्षयरोगका विरामी हुन सक्ने अनुमान गरिएको चापागाईले बताए ।

औषधि सेवन नियमीत नहुँदा रोग झन जटिल हुने भएकोले जिल्लामा डट्स विधि अनुसार स्वास्थ्यकर्मीको प्रत्यक्ष निगरानिमा विरामीहरुलाई औषधि सेवन गराइदै आएको उनले बताए । हाल लमजुङमा जिल्ला अस्पतालबाट मात्रै १३ जनाले औषधि लिदै आएका छन् । हाल स्वस्थ्य सम्वन्धी सवै कार्यक्रम स्थानीय तहमा गएको हुँदा अव स्थानीय तहमार्फत स्वास्थ्य सेवाका साथ यस रोगका बारेमा सचेतनाका कार्यक्रम प्रभावकारी बनाउन सके क्षयरोगका विरामी घट्ने विश्वास गरिएको उनको भनाई छ ।