सामुदायिक विद्यालयमा निःशुल्क शिक्षा

आदर्श समाज सम्वाददाता
चैत्र ११, २०७५
07.026

नवलपरासी, ११ चैत । सामुदायिक विद्यालयमा शैक्षिक गुणस्तर सुधार गर्न पश्चिम नवलपरासीको रामग्राम नगरपालिकाले निःशुल्क शिक्षा लागू गरेको छ ।

स्थानीय तहभित्र पर्ने सबै सामुदायिक विद्यालयलाई प्रशासनिक खर्च, पाठ्यपुस्तक खर्च र परीक्षा शुल्कलगायतका सबै खर्च स्थानीय तहले विद्यालयलाई उपलब्ध गराई निःशुल्क शिक्षा लागू गरेको हो ।

माध्यमिक तहको शिक्षा हासिल गर्न सामुदायिक विद्यालयमा कुनै पनि खर्च नलाग्ने किसिमले सबै सामुदायिक विद्यालयमा निःशुल्क शिक्षा लागू गरिएको रामग्राम नगरपालिका नगर प्रमुख नरेन्द्रकुमार गुप्ताले जानकारी दिए ।
विद्यालयको आर्थिक स्थिति कमजोर देखाएर परीक्षा शुल्कलगायतका विभिन्न बहानामा यसअगाबै सामुदायिक विद्यालयलाई लिइँदै आएको शुल्कलाई पूर्णरुपमा कटौती गरी सबै खर्च स्थानीय तहले व्यवस्थापन गरी शिक्षामा व्यापक सुधार गर्न यस्तो योजना अघि बढाइएको नगरपालिकाले जनाएको छ ।

सामुदायिक विद्यालयलाई अझ बढी प्रभावकारी बनाई गुणस्तरीय शिक्षा प्रदान गर्न विद्यालयमा शिक्षक दरबन्दी मिलानदेखि दुई विद्यालयलाई एकीकृत समायोजनसम्मको काम थालिएको शिक्षा शाखा प्रमुख तोयनाथ लम्सालले जानकारी दिए ।

शिक्षा क्षेत्रमा व्यापक सुधार आवश्यक देखिएकाले सोहीअनुसार कार्ययोजना तयार गरी लागू गरिएको रामग्राम नगरपालिकाका शिक्षा शाखाले जनाएको छ । शैक्षिक गुणस्तर सुधारका लागि आसन्न कक्षा ८ को परीक्षासमेत एसईईको नमूनाअनुसार होमसेन्टरबाहेकको परीक्षा केन्द्र निर्धारण गरी कापी परीक्षणमा समेत कोड–डिकोड गरी कापी परीक्षण एक आर्का विद्यालयको विषयविज्ञद्वारा परीक्षण गराउने तयारी गरिएको प्रमुख लम्सालले जानकारी दिए ।

शैक्षिक गुणस्तर सुधारका लागि सबै सामुदायिक विद्यालयको एउटै कार्य योजनासहितको क्यालेण्डर तयार गरि कक्षा १ देखि १० कक्षाका विद्यार्थीलाई निःशुल्क शिक्षाको प्रत्याभूति गराउने किसिमले कुनै पनि शुल्क नलिई शिक्षा प्रदान गर्ने योजना रहेको जनाइएको छ ।

यसैगरी आधारभूत तहको विद्यालयमा हालको अवस्थामा दरबन्दीको अभावलाई व्यवस्थापन गर्न उपल्लो शौक्षिक योग्यतालाई आधारमानी शिक्षक व्यवस्थापन गरिएको शिक्षा शाखाले जनाएको छ ।

यसैगरी आवश्यकताअनुसार दुई विद्यालयलाई समेत एकीकृत समायोजन प्रक्रिया अघि बढाइएको शिक्षा शाखाले जनाएको छ । रामग्राम नगरपालिकामा ३३ सामुदायिक विद्यालय रहेका छन् ।

Related News

सम्बन्धित समाचार

  • मेश्रम वराह माविको हीरक जयन्ती

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिका–१०, घान्द्रुकस्थित मेश्रम वराह माध्यमिक विद्यालयको हीरक जयन्ती सुरु भएको छ । मंगलबार विद्यालयमा आयोजित एक समारोहबीच…
  • जिससका पदाधिकारीलाई तालिम

    आदर्श समाज सम्वाददाता फागुन १६, २०८०
    पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी…
  • नेवा पत्रकारलाई समाचार लेखन तालिम

    आदर्श समाज सम्वाददाता फागुन १५, २०८०
    नेवा पत्रकार पुचः कास्कीको आयोजना तथा पोखरा महानगरपालिका ९ को सहयोगमा समाचार लेखन सम्बन्धी आधारभूत तालिम भएको छ । मंगलबार…
  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मुख्यमन्त्रीद्वारा प्रदेश प्रहरी कार्यालय निरीक्षण

    आदर्श समाज सम्वाददाता फागुन १५, २०८०
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशको समग्र शान्ति सुरक्षालाई थप मजबुद र विश्वसनीय बनाई जनमैत्री र नागरिक केन्द्रित…

hero news full width