लमजुङ, ८ चैत । हिमाल पारीको जिल्ला मनाङमा चुनावी प्रतिस्पर्धा जस्तै यतिबेला मनाङमा सडकमा जाम भएको हिउँ पन्छाउने होड सत्ता र विपक्षी नेताहरूका वीचमा चलेको छ । हिमपातका कारण करिब दुई महिनादेखि बन्द सडक खुलाउन त्यस्तो होड चलेको हो ।
डोजर र एक्साभेटरको प्रयोग गरी चुनावको बेलामा एकअर्काको प्रतिस्पर्धामा उत्रिएझैं मनाङका नेताहरू सडकमा जाम भएको हिउँ हटाएर बाटो खुलाउन त्यसरी नै सक्रिय भएका छन् । डोजर र एक्साभेटरको व्यवस्थापन गर्न नपाएका नेताहरूले हिउँ पन्छाउने काममा रकम दिएर सहयोग गरेका छन् । हिउँ पन्छाउन नेताबीच डोजर प्रतिस्पर्धा चलेको पर्यटन विकास व्यवस्थापन समिति मनाङका अध्यक्ष विनोद गुरुङले बताए । उनका अनुसार हिमपातपछि माथिल्लो मनाङमा माघ ९ देखि सडक बन्द थियो ।
चामेबाट २२ किलोमिटर माथि हुम्डेसम्म सवारी साधन सञ्चालन हुन थालेका छन् । हुम्डेबाट करिब ९ किलोमिटर माथिल्लो मनाङगाउँ र करिब १७ किमि दुरीको खाङसारसम्म सडक खुलाइए पनि सवारी चल्न सकेका छैनन् । हिउँ पग्लिएपछि केही दिनमै सवारी आवतजावत हुने ङिस्याङका अध्यक्ष कान्छा घलेले बताए । उनका अनुसार बाटो खुलाउने काममा मेसिनरी सामग्रीका अपरेटर साथै नपुग डिजलको व्यवस्थापन गाउँपालिकाले सहयोग गरेको छ ।
त्यस्तो कार्य गर्नेमा संघीय संसदमा निर्वाचित सांसद पोल्देन छोपाङ गुरुङ पनि छन् । उनले आफ्नै कम्पनी एग्रो मनाङ प्रालि मार्फत डोजर प्रयोग गरेका छन् । तत्कालीन एमालेको प्रतिनिधि बनी उनले मनाङमा पहिलो पटक निर्वाचन जितेका हुन् ।
कांग्रेसबाट यस पटक संघीय समानुपातिक सांसद कर्म घलेले मेसिनरी सामग्रीमा डिजेललगायत प्रयोग गर्न एक लाख रुपैयाँ दिएर हिउँ हटाउने काममा सहयोग गरेको बताए । यसैगरी, सांसद छोपाङका प्रतिद्वन्द्वी पूर्वराज्यमन्त्री टेकबहादुर गुरुङले एक्साभेटर उपलब्ध गराएको स्थानीयले बताएका छन् । कांग्रेस नेता उनले संविधानसभाको २०७० मा सम्पन्न निर्वाचनमा विजयी भएका थिए ।
मनाङ ङिस्याङ गाउँपालिका– ६ का अध्यक्ष सोनाम गुरुङले हिउँ हटाउन नेताहरूबीच प्रतिस्पर्धा जस्तै भएको बताए । ‘राजनीतिमात्र मात्र होइन, विकासमा पनि प्रतिस्पर्धा हुनु राम्रो पक्ष हो, यस्तो कामले निरन्तरता पाए नागरिकले सुख पाउँछन् ।’ उनले भने । उनका अनुसार साढे एक सातादेखि माथिल्लो मनाङमा हिमपहिरो, रुखबोट तथा हिउँ हटाएर बाटो खुलाउने काम भइरहेको छ ।
बाटो खुलेसँगै पर्यटक आउन थालेको अन्नपूर्ण संरक्षण क्षेत्र आयोजना (एक्याप) मनाङका पर्यटन सहायक क्षेत्र गुरुङले बताएका छन् । उनका अनुसार साताअघि एक्यापको समेत सहयोगमा उक्त पदमार्ग खुलाइएको हो । बाटो खुले पछि दैनिक ४५ देखि ५० जनासम्म मनाङबाट थोराङ भञ्ज्याङ हुँदै मुस्ताङ निस्केर पोखरातर्फ लाग्ने गरेका छन्
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१