राउटेलाई सामान्य जीवनमा ल्याउन जोड

रासस
चैत्र ८, २०७५
Rauta

काठमाडौँ, ८ चैत । २१ औँ शताब्दीमा पनि राउटे जाति जङ्गलमा रहेको अवस्थामा उनीहरुलाई सामाजिक जीवनमा ल्याउन सरकार र गैरसरकारी संस्थाबीच समन्वय आवश्यक भएको शुक्रवार आयोजित एक कार्यक्रमका वक्ताले जोड दिएका छन् ।

राउटे लोपोन्मुख सिमान्तकृत वर्ग उत्थान प्रतिष्ठानद्वारा आयोजित ‘आदर्श दम्पती तथा युवा सम्मान’कार्यक्रमका सहभागी वक्ताले यस्तो जोड दिएका हुन् ।

मुलुकमा ठूलो राजनीतिक परिवर्तन भए पनि आर्थिक र सांस्कृतिक रुपान्तरण हुन नसकेकाले कम्युनिष्ट नेतृत्वको सरकारले सामाजिक रुपान्तरण गर्ने विश्वासका साथ जनताले दुई तिहाइको सरकार गठन गरेको विचार धारणा उर्जामन्त्री बर्षामान पुनले बताए ।

विविधताले भरिएको मुलुकमा समाज विकासमा दाम्पत्य जीवन महत्वपूर्ण हुने बताउँदै उनले “स्वजातीय तथा अन्तर्जातीय विवाह अहिले प्रचलनमा छ, समाजलाई अग्रगतितर्फ लैजान अन्तर्जातीय विवाहको महत्व छ ।” पार्टीका नेता वामदेव गौतमले जनताले अहिले अग्रगति र प्रगतिको अपेक्षा गरे पनि त्यसतर्फ सरकार अगाडि बढ्न नसकेको भनी चिन्ता व्यक्त गरे ।

नेकपाकी नेत्री अष्टलक्ष्मी शाक्यले राउटे जाति लोपोन्मुख बन्दै गएकाले यस्ता सिमान्तकृत वर्गको संरक्षणका लागि सरकारले लगानी बढाउनुपर्नेमा जोड दिइन् । प्रतिष्ठानका संरक्षक भद्राकुमारी घलेले निःस्वार्थ भावनाले गरिने समाजसेवाका माध्यमबाट राष्ट्र निर्माणमा सहयोग पुग्ने विश्वास व्यक्त गरिन् ।

प्रतिष्ठानका अध्यक्ष सत्यदेवी अधिकारीले कर्णाली र सुदूरपश्चिमका विभिन्न जङ्गलमा बस्दै आएका राउटेलाई सामान्य जीवनमा फर्काउन आफ्नो संस्थाले व्यावसायिक सीप र तालिम उपलब्ध गराउँदै आएको जानकारी दिएकी छन् ।

उक्त कार्यक्रममा आदर्श दम्पतीका रुपमा गौतम र तुलसी थापा, अमृतकुमार बोहरा र अष्टलक्ष्मी शाक्य, वर्षमान पुन र ओनसरी घर्ती तथा मदन सत्याल र नर्मदेश्वरी सत्याललाई सम्मान गरिएको थियो । त्यसैगरी डा शेखर गुरुङ, डा अनिलकुमार भट्टराई, डा सरोज कार्की, डा सुनिलकुमार पोखरेललगायतलाई युवा सम्मान प्रदान गरिएको थियो ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width