१५ लाखमा वहुउदेश्यीय भवन निर्माण

आदर्श समाज सम्वाददाता
चैत्र ७, २०७५
54728405_343396419614481_2131052881241964544_n

पोखरा, ६ चैत । कास्की मादी गाउँपालिका–७ पानीघाटमा निर्मित बुहद्देश्यीय भवन उद्घाटन गरिएको छ ।

गण्डकी प्रदेशका कृषि,भूमिव्यवस्था तथा सहकारी मन्त्री लेखबहादुर थापामगरको उक्त भवनको उद्घाटन गरेका हुन् ।
भवन निर्माण समितिका आर्थिक संयोजक लिलबहादुर गुरुङले आर्थिक प्रतिवेदन प्रस्तुत गर्दै भवन निर्माणको लागि १५ लाख १५ हजार ८ सय ५५ रुपैंया संकलन भएको र १४ लाख ५० हजार ५ सय ५ रुपैंया खर्च भएको बताए ।

भवन उद्घाटन गर्दै मन्त्री थापामगरले प्रदेश सरकारले जनताको भावना, चाहना र आवश्यकता तथा समस्यको पहिचान गरी विकासको कामलाई अघि बढाईरहेको भनाई राखेका थिए ।

अब युवालाई विदेश जाउँजाउँ हुने नभई स्वदेश आउँआउँ लाग्ने बनाउने भन्दै युवा स्वरोजगारको लागि कृषिमा आमूल परिवर्तन गर्न जरुरी रहेको उनले बताए । एक गाउँ एक सहकारी र एक वडा एक कृषि सहकारी हुन आवश्यक रहेको भनाई उनको थियो ।

प्रदेश सांसद गायत्री गुरुङले आफनो गाउँ ठाउँको विकास आफै गरेमा यसले गाउँको मात्र नभई प्रदेशकै विकासमा सहयोग पुग्ने बताइन् । प्रदेश सांसद मनबहादुर गुरुङले नेपाल प्रकृतिक रुपमै भरिपूर्ण देश भएको भन्दै यसको सहि सदुपयोग गर्न सके देश समृद्धि तर्फ अघि बढने बताए ।

उक्त अवसरमा मादी गाउँपालिकाका कार्यकारी अधिकृत युवराज अधिकारी,वडा नं ७ का वडा अध्यक्ष लालबहादुर गुरुङले ढाँडबेसी स्थित विजयपुर खोलामा तोकिएकै समयमा पुल निर्माणको कार्य सम्पन्न आग्रह गरे ।

कार्यक्रममा युवा नेताहरु बलकृष्ण गुरुङ, शेरबहादुर गुरुङ, जनकल्याण तमू समाज पोखराका अध्यक्ष इन्द्रबहादुर गुरुङ लगायतले आफ्नो भनाइृ राखेका थिए । भवन निर्माण समितिका अध्यक्ष हर्कजंग गुरुङको अध्यक्षतामा सम्पन्न भएको कार्यक्रमको सञ्चालन सचिव मीना गुरुङले गरेकी थिइन् ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width