काठमाण्डौ, ७ चैत । मधेस केन्द्रीत दुई दल राष्ट्रिय जनता पार्टी र संघीय समाजवादी फोरमबीच पार्टी एकता पहल सुरू भएको छ। पार्टी एकताका लागि छलफल गर्न दुबै पार्टीले कार्यदल गठन गरिसकेका छन्।
एक महिना अगाडि नै फोरमले राजपालाई पार्टी एकताका लागि पत्र पठाएको थियो । राजपाले फोरमलाई एकताका लागि आफूहरू सकरात्मक रहेको जवाफ पठाएको छ। राजपाले एकता प्रक्रियाका लागि अध्यक्ष मण्डलका सदस्य राजेन्द्र महतोको संयोजकत्वमा वार्ता समिति पनि बनाएको छ।
पहिचान पक्षधर र विचार मिल्नेहरूसँग एकता गर्ने पार्टीको नीतिअनुसार समिति बनाइएको राजपाका महासचिव केशव झाले बताए। पार्टी एकताका लागि छलफल गर्न सकिए पनि फोरम सरकारमा रहुञ्जेल पार्टी एकता भने हुन नसक्ने झाको भनाइ छ।
‘फोरमसँग मात्रै होइन, विचार मिल्ने सबैसँग एकताका लागि तयार छौं। तर फोरम सरकारमा रहुञ्जेलसम्म पार्टी एकता हुन सक्दैन,’ उनले भने, ‘एक वर्षदेखि सरकारमा गएर पनि मधेसका एजेन्डा सम्बोधन हुन सकेको छैन। त्यसैले पार्टी एकताका लागि उसले सकार छोड्नु पर्छ।’
यता फोरमले सहअध्यक्ष राजेन्द्र श्रेष्ठको संयोजकत्वमा पार्टी एकताका लागि वार्ता समिति गठन गरेको छ। राजपाले आफ्नो पार्टीको प्रस्तावलाई सकरात्मक रूपमा लिएको फोरमका महासचिव रामसहाय प्रसाद यादवले बताए।
‘राजपाले हाम्रो प्रस्तावलाई सकारात्मक भनेर पत्र पठाएको छ। यसले एकता प्रक्रियामा अघि बढ्न सहज बनाएको छ,’ महासचिव यादवले भने, ‘अब सकारात्मक वातावरण पनि बन्दै गएको छ। छिट्टै कार्यदलले छलफल सुरू गर्छ।’
Related News
सम्बन्धित समाचार
लुम्बिनीकाे मुख्यमन्त्री सपथमा एमाले संसदीय दलका नेता नै अनुपस्थित
बागमतीको मुख्यमन्त्रीमा लामा नियुक्त
लुम्बिनीको मुख्यमन्त्रीमा चेतनारायण
सञ्चारमाध्यममा ३३ प्रतिशत पत्रकार महिलाको सहभागितामा जोड
ओलीलाई संसदमा दुईतिहाइको विश्वास
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१