पोखरा, ६ चैत। चिउली पाचे तमु समाजको आयोजनामा बुधबारदेखि पोखरामा श्रीमद्भागवत् महापुराण ज्ञानमहायज्ञ–२०७५ शुरु भएको छ।
पोखरा–१२, चापापानीस्थित समाजको आफ्नै समाजघरमा शुरु महायज्ञ चैत १२ गतेसम्म चल्नेछ। महायज्ञका प्रमुख वाचक भागवताचार्य युवासन्त रोहितराज महाराज (गुरुङ) हुन्।
महायज्ञ उद्घाटन अघि शोभायात्रा निस्केको थियो। कार्यक्रममा सहभागी अधिकांश गुरुङ समुदायहरु जातीय पोशाकमा उपस्थित थिए। महायज्ञस्थलबाट शुरु शोभायात्रा पुरानोधारा, माटेपानी, शीतलदेवी मन्दिर हुँदै पुनः महायज्ञस्थल पुगेको थियो।
महायज्ञमा कथावाचन सहित दैनिक पूजा, भागवत् आरती, प्रसाद वितरण, लक्ष्यवर्ती प्रज्ज्वलन, पूर्णवर्ती हुने महायज्ञ मूलआयोजक समिति संयोजक कणेर्ल कमानसिंह गुरुङले जानकारी दिए।
महायज्ञ शुरु हुनु पूर्व दान गरेका समाजका सदस्य एवं महायज्ञ सल्लाहकार भूपू ब्रिटिस आर्मीका डब्लुओटु समाजसेवी गमबहादुर गुरुङ र श्रीमती तिलकुमारी गुरुङ लगायतलाई सम्मान गरिएको थियो। पोखरा–२७, डाँडाकोनाक निवासी गुरुङ दम्पत्ति र उनको परिवारले महायज्ञ पूर्व नै ३ लाख ३३ हजार ३ सय ३३ रुपैयाँ दान गरेर पहिलो दाता बनेका हुन्। यस्तै, पोखरा–१२, माटेपानी गुम्बाफेदी निवासी महायज्ञ मूलआयोजक समिति संयोजक कणेर्ल कमानसिंह गुरुङ र श्रीमती पदमशोभा गुरुङ परिवारले १ लाख २३ हजार ४ सय ५६ रुपैयाँ दान गरेका छन्।
जनजाति महासंघ पोखरा नगर कमिटी अध्यक्ष समेत रहेका पोखरा २९, भण्डारढिक निवासी जंगबहादुर गुरुङ र श्रीमती गोपीमाया गुरुङले १ लाख ११ हजार १ सय ११ र पोखरा–११, फूलबारी निवासी क्याप्टेन तेजबहादुर गुरुङले १ लाख ११ हजार १ सय ११ रुपैयाँ दान दिए। उनीहरुलाई महायज्ञका प्रमुख वाचक रोहितराज महाराज (गुरुङ) ले दोसल्ला ओढाउँदै सम्मानपत्र प्रदान गरेका हुन्।
चिउली पाचे तमु समाजले पहिलो चोटी आयोजना गरेको सो महायज्ञ सफल पार्न सबै जनाको यस्तै सहयोग आवश्यक रहेका महायज्ञका सल्लाहकार मोती गिरीले बताए।
पितृउद्धार साथै चौतर्फी विकासका लागि आयोजित महायज्ञमा भागवत् कथा सुन्न मानिसहरुको उल्लेख उपस्थिति थियो। सिक्किम निवासी प्रमुख वाचक रोहितराजले संगीतमय शैलीमा महायज्ञको कथा वाचन गरेका छन्।
समाजका ज्येष्ठ सदस्य ९० वर्षीय क्याप्टेन तेजबहादुर गुरुङको प्रमुख आतिथ्यमा भएको कार्यक्रमको अध्यक्षता चिउली पाचे तमु समाजका अध्यक्ष सुवेदार रणबहादुर गुरुङले गरेका थिए।
कार्यक्रम संचालन महायज्ञ सल्लाहकार मोती गिरी र संचारकर्मी देवीजंग गुरुङ तथा स्वागत मूलआयोजक समिति संयोजक संयोजक कणेर्ल कमानसिंह गुरुङले गरेका थिए।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१