मनाङमा आयआर्जन गर्न सहजताका लागि कैदीबन्दीका लागि ४५ दिने तालिम सुरु

आदर्श समाज सम्वाददाता
चैत्र ४, २०७५
Tilicho_Lake

लमजुङ, चैत ४ गते । हिमाली पारीको जिल्ला मनाङको कारागारमा रहेका कैदीबन्दीलाई आम्दानीको सहज स्थिति बनाउन हस्तकलाको तालिम दिन थालिएको छ । उनीहरूलाई ४५ दिने बासको हस्तकला सम्बन्धी सामग्री बनाउन तालिम दिइएको हो ।
जिल्ला समन्वय समितिका प्रमुख यज्ञप्रसाद घलेले हस्तकला तालिमले कैदीबन्दीलाई आत्मनिर्भर बनाउन सहयोग पुग्ने विश्वास व्यक्त गरे । उनले भने– ‘यहाँ धेरै होटल छन् । पर्यटक आउँछन् । बनाएका सामग्री पर्यटकलाई बेच्न सकिन्छ । कतिले होटलमा सजावटको रूपमा राख्छन् । कतिले कोशेलीको रुपमा लग्न पनि सक्छन् यसबाट आय आर्जन हुन्छ ।’

प्रमुख जिल्ला अधिकारी रुद्रनाथ देवकोटाले फुर्सदको समयमा सीप सिक्नुपर्छ । हातमा सीप भयो भने कारागार भित्रै पैसा कमाउन सकिने बताए । उनले भने– ‘त्यसैका लागि तालिमको प्रवन्ध उनको धारणा थियो । उनले तालिमबाट सिकेको सीपलाई व्यवहारमा उतार्न पर्ने उल्लेख गरे ।

घरेलु तथा साना उद्योग विकास समिति कार्यालय मनाङ र चामे गाउँपालिका र जिल्ला कारागार कार्यालयको संयुक्त आयोजनामा सो तालिम सञ्चालन गरिएको घरेलु तथा साना उद्योग विकास समिति कार्यालयका प्रमुख प्रदिप न्यौपानेले बताउनु भयो । उहाँका अनुसार कारागारमा रहेका कैदीबन्दीको समय खेर गइरहेको छ । त्यो समयमा उनीहरूलाई सीप सिकेमा राम्रो आम्दानी गर्न सक्ने बाह्य जिल्लाको उदाहरण दिदै त्यसरी सिर्जनामा लाग्दा आचरणमा समेत सुधार हुँदै आउने बताए ।’

मनाङ कारागारका जेलर शैलेन्द्रकुमार चौधरीले ४५ दिने तालिम अवधिमा कैदीबन्दीले निंगालो र बाँसको हस्तकला बाँसबाट मुढा, सजावटका सामान, ¥याक, कुर्सी, टेबल आदि बनाउन सिक्ने बताए । उनका अनुसार तालिममा १५ जना कैदीबन्दी सहभागी छन् । बिहान ८ बजेदेखि बेलुका ५ बजेसम्म कैदीबन्दीले हस्तकलाका सामग्री बनाउन सिक्ने गरेको चौधरीले जानकारी दिए ।

Related News

सम्बन्धित समाचार

  • मेश्रम वराह माविको हीरक जयन्ती

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिका–१०, घान्द्रुकस्थित मेश्रम वराह माध्यमिक विद्यालयको हीरक जयन्ती सुरु भएको छ । मंगलबार विद्यालयमा आयोजित एक समारोहबीच…
  • जिससका पदाधिकारीलाई तालिम

    आदर्श समाज सम्वाददाता फागुन १६, २०८०
    पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी…
  • नेवा पत्रकारलाई समाचार लेखन तालिम

    आदर्श समाज सम्वाददाता फागुन १५, २०८०
    नेवा पत्रकार पुचः कास्कीको आयोजना तथा पोखरा महानगरपालिका ९ को सहयोगमा समाचार लेखन सम्बन्धी आधारभूत तालिम भएको छ । मंगलबार…
  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मुख्यमन्त्रीद्वारा प्रदेश प्रहरी कार्यालय निरीक्षण

    आदर्श समाज सम्वाददाता फागुन १५, २०८०
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशको समग्र शान्ति सुरक्षालाई थप मजबुद र विश्वसनीय बनाई जनमैत्री र नागरिक केन्द्रित…

hero news full width