गण्डकी मेडिकल कलेजको ताला खुल्यो

आदर्श समाज सम्वाददाता
चैत्र ३, २०७५
gandaki medical college pokhara

पोखरा, २ चैत। गण्डकी मेडिकल कलेजको ताला डेढ महिनापछि शनिबार खोलिएको छ। अबैधरुपमा बढी शुल्क असुलेको भन्दै आन्दोलित विद्यार्थीले गत माघ २१ मा कलेज र अस्पतालको इमजेर्न्सीबाहेक सबै कक्षमा तालाबन्दी गरिदिएका थिए।

एमबीबीएस दोश्रो वर्षको परीक्षा नजिकिएपछि विद्यार्थीले प्रमुख जिल्ला अधिकारी चक्रबहादुर बुढासँगको सहमतिपछि प्रहरीको रोहवरमा ताला खोलिदिएका हुन्। परीक्षा चैत २१ देखि हुँदैछ।

परीक्षामा सहभागी हुन ७ दिनसम्म फाराम भर्ने म्याद छ। अहिलेको परीक्षा दिन नपाए उनीहरुको ‘इयर लस’ हुनेछ। सो ब्याचमा ५३ जना विद्यार्थी अध्ययनरत छन्।

उच्च अदालत पोखराले सञ्चालक पक्राउ गर्न र अनुसन्धानमा बाटो खुला गरिदिएपछि सहमतिमै ताला खोलिएको विद्यार्थी अनित सिन्हाले जानकारी दिए।

शुक्रबार दिउँसो नै ताला खोल्ने तयारी भए पनि कलेजतर्फबाट जिम्मेवार ब्यक्ति उपस्थित नभएको भन्दै खोलिएको थिएन। विद्यार्थीको पूर्ण समर्थन पाएकोले कलेज ब्यवस्थापक उपस्थित नभए पनि ताला खोलेको सिन्हा बताउँछन्।

ताला खुलेपछि अस्पतालको नियमित काम शुरु भैसकेको छ भने कलेज पनि आइतबारदेखि नियमित पठनपाठन हुने विद्यार्थीले बताए।

तर कलेज सञ्चालक चाहीँ सम्पर्कमा छैनन्। ५३ करोड रुपैयाँ ठगी गरेको आरोपमा विद्यार्थीले ११ जना सञ्चालकविरुद्ध जिल्ला प्रहरी कार्यालय कास्की र सम्पत्ति शुद्धिकरण विभागमा फागुन २१ गते उजुरी दिएका थिए।

उजुरी आधारमा कास्की प्रहरीले अदालतसँगको अनुमतिमा कलेज अध्यक्ष खुमा अर्यालसहित ११ सञ्चालकविरुद्ध पक्राउ पुर्जी जारी गरेको थियो। यसअघि कलेजका पूर्व सिईओ सन्तोष खनाल र परीक्षा नियन्त्रक लक्ष्मण शर्मा पक्राउ परिसकेका छन्।

एमबीबीएस दोश्रो वर्षको परीक्षा मध्यनजरमा राखेर ताला खोल्ने निर्णय गरेको विद्यार्थी रविना मिश्रले जानकारी दिइन्।

दुई दिनसम्म बहस सुनेर गत उच्च अदालत पोखराले कानून अनुसारको कारबाही अघि बढाउन जिल्ला प्रशासन कार्यालयमा आदेश पठाएको छ।

Related News

सम्बन्धित समाचार

  • युनाइटेड क्लबका परिकल्पनाकार सम्मानित

    आदर्श समाज सम्वाददाता वैशाख ९, २०८१
    पोखरा । युनाइटेड क्लबले क्लबका परिकल्पनाकारलाई सम्मान गरेको छ । २०६७ वैशाख ७ मा स्थापना भएको क्लबले १४ औं वार्षिकोत्सव…
  • लोकदोहोरी रेस्टुरेन्ट व्यवसायी संघको कार्यालय उद्घाटन

    आदर्श समाज सम्वाददाता वैशाख ९, २०८१
    पोखरा । पोखरा लोकदोहोरी रेस्टुरेन्ट व्यवसायी संघले नयाँ वर्ष अवसरमा शुभकामना आदानप्रदानसँगै संघको कार्यालय उद्घाटन गरेको छ । लोकदोहोरी रेष्टुरेण्ट…
  • साभ नेपालको अभिभावक शिक्षा कार्यक्रम

    आदर्श समाज सम्वाददाता वैशाख ९, २०८१
    पोखरा । चितवनको खैरहनी नगरपालिका वडा नं ८ को आयोजना तथा साभ नेपालको सहजीकरणमा वैशाख ७ र ८ गते अभिभावक…
  • सामुदायिक बगरमा डिएसपीको स्वागत

    आदर्श समाज सम्वाददाता वैशाख ९, २०८१
    पोखरा । सामुदायिक सेवा केन्द्र एवं सामुदायिक प्रहरी सेवा बगरले जिल्ला प्रहरी कार्यालय कास्कीका प्रहरी नायव उपरीक्षक वसन्तराज शर्मालाई स्वागत…
  • ‘जेष्ठ नागरिक जिउँदा भगवान्’

    आदर्श समाज सम्वाददाता वैशाख ९, २०८१
    पोखरा । रामबजार ज्येष्ठ नागरिक मिलन केन्द्रले शनिबार आयोजना गरेको शुभकामना आदानप्रदान तथा सम्मान कार्यक्रमका वक्ताले जेष्ठ नागरिक जिउँदा भगवान्…

hero news full width