पोखरा, ३० फागुन। रुपा गाउँपालिकाका सम्पूर्ण विद्यालय प्रधानाध्यापकको नमूना विद्यालय अवलोकन भ्रमण सम्पन्न भएको छ।
गाउँपालिकाभित्र सञ्चालित ३२ ओटा आधारभूत तथा माध्यमिक सामुदायिक विद्यालयका प्रधानाध्यापकहरुसँगै विद्यालय व्यवस्थापन समितिका अध्यक्ष र वडाध्यक्षहरुलाई तनहुँको दमौलीस्थित सत्यवती माध्यमिक विद्यालयको भ्रमण गराइएको हो।
गाउँपालिकाका शिक्षा शाखा प्रमुख भोजराज न्यौपानेले गाउँको विकास गर्ने हो भने सर्वप्रथम शिक्षा र स्वास्थ्यको विकास गर्नुपर्ने निष्कर्षसहित गाउँपालिकाले अभियान अघि बढाएको जानकारी दिए। गाउँपालिकाभित्रका विद्यालयको चौतर्फी विकासका लागि अन्य नमूना विद्यालयबाट केही सिक्ने अवसर प्रदान गर्ने उद्देश्यले अवलोकन भ्रमण आयोजना गरिएको न्यौपानेले बताए।
सिकेका सकारात्मक कुरा आफ्ना विद्यालयमा लगेर कार्यान्वयन गर्नसमेत प्रधानाध्यापक र अध्यक्षहरुलाई उनले आग्रह गरे। भ्रमणमा सहभागीहरुको जिज्ञासाको जवाफ दिँदै सत्यवती माध्यमिक विद्यालय व्यवस्थापन समितिका अध्यक्ष सूर्य अधिकारीले सामुदायिक विद्यालयलाई राजनीतिक हस्तक्षेपमुक्त बनाउने हो भने धेरै समस्याको समाधान हुने जिकिर गरे।
अधिकारीले सामुदायिक विद्यालयको विकासका लागि समुदायको सहयोग, प्रधानाध्यापकको कार्यकुशलता, स्टाफको सकारात्मक समन्वय र व्यवस्थापन समितिको उचित निगरानी आवश्यक पर्ने अनुभव सुनाए। सत्यवतीको उन्नति हुनुमा अभिभावकको सकारात्मक साथ नै प्रमुख कडीका रुपमा रहेको उनको भनाइ थियो।
विद्यालयको शैक्षिक तथा भौतिक वातावरण अवलोकनसहित आयोजना गरिएको अन्तक्र्रियामा विद्यालयका प्रधानाध्यापक इन्द्रप्रसाद पौडेलले २७ सयभन्दा बढी विद्यार्थी रहेको विद्यालयमा सरकारी दरबन्दीबाहेक ४९ जना निजी शिक्षक रहेको जानकारी दिए।
अभिभावकको सहयोगबाट विद्यालयले चौतर्फी विकासमा सहजता महसुस गरेको भनाइ पौडेलले राखे। कार्यक्रममा रुपा गाउँपालिका वडा ३ का वडा अध्यक्ष रामजी अधिकारी, रामकोट स्रोतकेन्द्रका पूर्व स्रोत व्यक्ति हेमराज आचार्य, शिवालय माविका प्रअ रुपिन्द्र प्रभावी, रामकोट माविका विव्यस अध्यक्ष निर्मला सुवेदी, नवीनबाबु पौडेल, राजेन्द्र भट्टराईलगायतले जिज्ञासा राखेका थिए।
Related News
सम्बन्धित समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
गैंडाकोट नगरपालिकाले थाल्यो अनलाइनबाटै नागरिकता सिफारिस
प्रधानमन्त्रीसँग गोरखा नगरपालिकाले माग्यो साढे ३ अर्ब बजेट
अन्नपूर्णमा अख्तियारको अन्तरक्रिया
hero news full width
मुख्य समाचार
किरिया बसेका दाजुभाइ परीक्षामा
सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०