पोखरामा पनि विप्लव समूहको वन्द प्रभाव

आदर्श समाज संवाददाता
फागुन ३०, २०७५
53921559_161053291463289_8612163762176131072_n

पोखरा, ३० फागुन । नेत्रविक्रम चन्द ‘विप्लव’ नेतृत्वको नेकपाले आह्वान गरेको बन्दको प्रभाव पोखरामा आंशिक रुपमा परेको छ ।

पोखराका सडकमा पातलो मत्रामा सवारी साधन चलेपनि व्यापारिक केन्द्र, विद्यालय तथा उद्योगहरु भने वन्द छन् । मुख्य सडकमा निजी तथा सार्वजनिक सवारी साधन छिटफुट चलेका छन्।

पोखराको सभागृह चोकमा विहान बोतल बम भेटिएपछि नेपाली सेनाको डिस्पोजल टोलीले निक्रिय पारेको छ । त्यस्तै लेखनाथको भण्डारढीकमा पनि शंकास्पद वस्तु फेला परेको जिल्ला प्रहरी कार्यालय कास्कीले जानकारी दिएको छ । विप्लव समूहका कार्यकर्ता भने सडकमा सार्वजनिक रुपमा देखिएका छैनन् ।

देशका मुख्य सहरहरु कठमाण्डौ, पोखरा, बिराटनगर, वीरगञ्ज, बुटवल, नेपालगञ्ज, धनगढीमा बन्दको आंशिक असर परेको त्यहाँ स्थित समाचारदताहरुले जानकारी दिएका छन् ।

विप्लव समूहको बन्दलाई निस्तेज पार्न सरकारले सुरक्षा व्यवस्था कडा पारेको छ, पोखराको विभिन्न स्थानमा नेपाल प्रहरी र सशस्त्र प्रहरीको टोली खटिएका छन् भने विभिन्न स्थानमा प्रहरीका गुप्तचर खटिएका छन् ।

पूल, भवन, सरकारी कार्यालय लगायत सार्वजनिक संरचनाको छेउमा सुरक्षाकर्मीको उपस्थिति बाक्लो बनाईएको कास्कीका प्रहरी प्रवक्ता रवीन्द्रमान गुरुङले जानकारी दिए । कुनै अप्रीय घटना भने घटेको छैन ।

Related News

सम्बन्धित समाचार

hero news full width