पोखरा ,२७ फागुन । नारी दिवसको अवसर पारेर मादी गाउँपालिका— ६ ले महिलाहरुको क्षमता अभिवृिद्ध गर्न उदेश्यले तीन दिने उद्घोषण तथा भाषण कला तालिम सम्पन्न गरेको छ ।

तालिमको समापन समारोहमा बोल्दै वडा नं ६ का वडा अध्यक्ष पसबहादुर बास्तोला श्यामले मादी गाउँपालिकाले महिला शशक्तिकरणका लागि विशेष महत्व दिएको बताए । तालिम पछि महिलाहरुमा व्यवहारिक रुपमा परिवर्तन देखिएको छ, आत्मविश्वासको वृद्वि भएको दावि गरे ।

समापन कार्यक्रममा बोल्दै प्रशिक्षक सञ्चारकर्मी गोविन्द थापा सिन्जालीले सफलता प्राप्तिका लागि निरन्तर रुपमा अभ्यासमा लागिरहन प्रशिक्षार्थीलाई आग्रह गरे । कार्यक्रममा वडा सदस्यहरु शिव बराल त्रिपाठी,सुन्दरी परियार ,महारुद्र मा.विका प्रधानाध्यापक गंगाधर बराल,ईलाका संरक्षण समिति सिक्लेसका सचिव दिपक बराल ,वडा सचिव सूर्यबहादुर पाण्डे,कृषि प्राविधिक मनु थापा लगायतकाले मन्तव्य राखेका थिए ।

महिला सन्जाल तप्राङका अध्यक्ष दुर्गादेवी पौडेलको अध्यक्षतामा भएको समापन समारोहमा प्रशिक्षार्थीले आफ्ना अनुभवहरु साटेका थिए । ५० जना सहभागी तालिम सञ्चालनका लागि ईलाका संरक्षण समिति सिक्लेसले विशेष सहयोग ग