अव स्वतन्त्र मधेशको नारा लाग्दैन – गृहमन्त्री थापा

आदर्श समाज सम्वाददाता
फागुन २७, २०७५
ram b

  • सिके राउतले स्वतन्त्र मधेशको नारा त्यागी सकेका छन ।
  • स्वतन्त्र मधेशको नाराबाजी अन्तिम हो। 

बुटवल, २६ फागुन । गृहमन्त्री रामबहादुर थापा बादलले स्वतन्त्र मधेशको नाराबाजी अन्तिम भएको दावी गरेका छन् ।

स्वतन्त्र मधेश गठबन्धनका नेता सिके राउतले स्वतन्त्र मधेशको नारा त्यागी सकेको र उक्त सन्देश अझै कार्यकर्ता माझ नपुगेकोले नारा लागेको हुन सक्ने दावी गरे ।

गृहमन्त्रालयले भैरहवामा आयोजना गरिएको प्रदेश स्तरीय सुरक्षा गोष्ठिमा बोल्दै गृहमन्त्री थापाले राजनीतिक सहमति भएकै कारण भविष्यमा यस्ता नाराबाजी नहुने बताए । सहमतिमै यस्ता नारा, झण्डा प्रयोग नगर्ने स्पष्ट सहमति भएको पनि बताए ।

गृहमन्त्री थापाले मधेशका विषयमा जनमत संग्रहको कुरा हुन नसक्ने पनि स्पष्ट पारे । नेपाल सरकार गृह मन्त्रालयको वार्षिक कार्यक्रम अनुरुप विविध विषयमा छलफल, अन्तरक्रिया तथा प्रस्तुतीकरण हुने ५ नम्बर प्रदेश स्तरीय दुई दिवसीय सुरक्षा गोष्ठी रुपन्देहीको भैरहवामा आइतबारदेखि सुरू भएको हो ।

गोष्ठीमा प्रदेशको विद्यमान शान्ति सुरक्षाको अवस्था, समस्या तथा चुनौती र त्यसका समाधानका उपाय एवम् आगामी कार्यक्रम लगायत विविध विषयमा छलफल भएको छ ।

गोष्ठीमा प्रदेश ५ का आन्तरिक मामिला मन्त्री सुर्दशन बराल, गृह सचिव प्रेम कुमार राई, प्रहरी महानिरीक्षक सर्वेन्द्र खनाल, सशस्त्र प्रहरी महानिरीक्षक शैलेन्द्र खनाल, राष्ट्रिय अनुसन्धान विभागका प्रमुख गणेश अधिकारी, गृह मन्त्रालयका उच्चपदस्थ अधिकारीहरु, ५ नम्बर प्रदेश स्तरीय सुरक्षा निकायका प्रमुखहरू, उक्त प्रदेश अन्तर्गतका १२ जिल्लाका प्रमुख जिल्ला अधिकारीहरु तथा सुरक्षा निकायका प्रमुखहरूको सहभागिता रहेको छ ।

Related News

सम्बन्धित समाचार

  • स्याङ्जा २ को मतगणना अनिश्चित

    आदर्श समाज सम्वाददाता मंसिर १३, २०७९
    पोखरा । गण्डकीमा सबै क्षेत्रको नतिजा आइसक्दा स्याङ्जा क्षेत्र २ को मतगणना अझै अनिश्चित छ । मंगलबारसम्म प्रतिवेदन बुझाउने भनिएकोमा…
  • कास्की ३ मा एमालेका बैरागी निर्वाचित

    आदर्श समाज सम्वाददाता मंसिर ९, २०७९
    पोखरा । कास्की क्षेत्र ३ बाट प्रतिनिधिसभा सदस्यमा नेकपा एमालेका दामोदर पौडेल वैरागी निर्वाचित भएका छन् । पाँचदलीय गठबन्धनका साझा…
  • नवलपरासी २ : तीन दशकपछि कांग्रेस

    रासस मंसिर ९, २०७९
    नवलपुर । नवलपरासी (बर्दघाट–सुस्तापूर्व) को निर्वाचन क्षेत्र नं २ मा नेपाली कांग्रेसले नेकपा (एमाले) को तीन दशक लामो विरासत भत्काएको…
  • प्रधानमन्त्री नारामा गगनको जीत

    रासस मंसिर ७, २०७९
    काठमाडौं । नेपाली कांग्रेस संसदीय दलको नेता बनेर प्रधानमन्त्री बन्ने नाराका साथ काठमाडौं क्षेत्र ४ मा मत मागेका गगनकुमार थापा…
  • एमालेकी विद्याको सहज अग्रता

    आदर्श समाज सम्वाददाता मंसिर ७, २०७९
    पोखरा । प्रतिनिधिसभा तथा प्रदेशसभा निर्वाचन २०७९ अन्तर्गत जारी मतगणनामा कास्की २ प्रतिनिधिसभातर्फ नेकपा एमालेले फराकिलो अन्तर पारेको छ ।…

hero news full width