दमौली, २७ फागुन । हिमालपारिको जिल्ला मुस्ताङको घरपझोङ गाउँपालिका–४ र तनहुँको शुक्लागण्डकी नगरपालिका–८ बीच भगिनी सम्बन्ध कायम भएको छ ।
आपसी सम्बन्ध विस्तार, अनुभव आदानप्रदान, सामाजिक, सांस्कृतिक तथा पर्यटकीय गतिविधि सञ्चालनका लागि दुई वडाबीच भगिनी सम्बन्ध कायम भएको हो । भगिनी सम्बन्ध कायम गर्ने सम्झौतापत्रमा सोमवार घरपझोङ गाउँपालिका–४ का वडाध्यक्ष यामप्रसाद थकाली र शुक्लागण्डकी नगरपालिका–८ का वडाध्यक्ष कृष्णप्रसाद रेग्मीले हस्ताक्षर गरे ।
दुई वडाबीच नियमित सम्पर्क राखी अवलोकन तथा अन्तक्र्रिया कार्यक्रम गर्ने, एकअर्काको भौतिक तथा संस्थागत विकासका लागि आर्थिक सहयोग गर्ने सम्झौतापत्रमा उल्लेख छ । वडाध्यक्ष थकालीले पहिलोपटक दुई वडाबीच भगिनी सम्बन्ध कायम गर्न पाएकामा खुशी व्यक्त गर्दै सम्झौतापत्रमा उल्लेख भएका बुँदा कागजमा मात्र सीमित नराखी व्यवहारमा उतार्नुपर्ने बताए ।
घरपझोङ गाउँपालिकाका उपाध्यक्ष शर्मिला गुरुङले दुवै स्थानीय तह भौगोलिक तथा प्राकृतिकरुपमा अनुपम रहेको चर्चा गरे । गत असोजको अन्तिम साता शुक्लागण्डकी नगरपालिका–८ र १० ले आयोजना गरेको टोल विकास संस्थाका प्रतिनिधिसहितको मुस्ताङ अवलोकन भ्रमणका अवसरमा वडाले भगिनी सम्बन्धको प्रस्ताव गरेको थियो ।
सोही प्रस्तावलाई कार्यपालिकाको बैठकले भगिनी सम्बन्ध कायम गर्ने निर्णय गरेको थियो । घरपझोङको टोलीले यस क्षेत्रकै प्रसिद्ध ढोरबाराही मन्दिर, मुक्तिनाथ च्यवनधामको अवलोकन गरेको थियो । साविकको मार्फा, टुकुचेको दुई वटा वडा र जोमसोम गाविसलाई समेटर सो गाउँपालिका निर्माण गरिएको छ । प्रसिद्ध मुक्तिनाथ मन्दिर सोही गाउँपालिकामा अवस्थित छ ।
Related News
सम्बन्धित समाचार
रेवान पोखरामा विश्वराज
पोखरामा बोलबम सुरु, धार्मिक पर्यटनमा टेवा
सांग्रिला होटल संस्थापक पाण्डेको निधन
कोरोनाले फेरिएको ढिकीडाँडा
पोखरामा बोलबम पदयात्राको तयारी पूरा, साउनका चारै सोमबार हुने
hero news full width
मुख्य समाचार
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१