इथियोपियन जहाज दुर्घटनामा गोरखाकी एकता अधिकारीकाे मृत्यु

एजेन्सी
फागुन २७, २०७५
1552208433Ethiopian_2-984×554

काठमाण्डौ, २७ फागुन । इथियोपियन विमान दुर्घटनामा मृत्यु हुने नेपालीको ठेगना खुलेको छ। ।

आइतवार भएको दुर्घटनामा मुत्यु हुने नेपाली गोरखाकी एकता अधिकारी रहेकी खुल्न आएको छ । इथियोपियाको अदीस अबाबास्थित विश्व खाद्य कार्यक्रम (डब्लूएफपी)कार्यालयमा कार्यरत उनी आइतबार डब्लूएफपीकै एक कार्यक्रममा सहभागी हुन उक्त विमानदमार्फत नैरोबी जादै थिइन्।

डब्लूएफपीका कार्यकारी निर्देशक डेविड बास्लेले पनि आफ्ना कर्मचारी उक्त दुर्घटनामा परेको पुष्टि गरेका छन्। दुर्घटनाग्रस्त उक्त विमानमा एक नेपाली पनि सवार रहेको विमान कम्पनीले यसअघि जारी गरेको प्रेस विज्ञप्तिमा उल्लेख थियो ।

इथियोपियाको राजधानी अदिस अबाबा बाट केन्याको नौरोवीतर्फ जाँदै गरेको इथोपियन एयरलाइन्सको विमान उडान भरेको केही मिनेटमै दुर्घटनामा परेको थियो। दुर्घटनामा परि चालक दलका ८ जना सदस्य र १ सय ४९ जना यात्रु गरी १ सय ५७ जनाको मृत्यु भएको थियो।

Related News

सम्बन्धित समाचार

hero news full width