हिम पहिरोमा एक गाइडको मृत्यु बिदेशी नागरिक वेपत्ता

एजेन्सी
फागुन २५, २०७५
Acherkogel_Maningkogel_NE


मनाङ, २५ फागुन । मनाङको क्याङ्दीमा हिम पहिरोमा पुरिएर एक नेपाली ट्रेकिङ गाइडको मृत्यु भएको छ भने एक बिदेशी नागरिक वेपत्ता भएका छन् ।

हिम पहिरोले पुरिएर मृत्यु हुनेमा धादिङका अजय ढकाल रहेको प्रहरीले जानकारी दिएको छ । पहिरोमा नेदरल्याण्डका नागरिक भिनसेन्ट ब्लुम वेपत्ता छन् । उनीहरु दुई जना मात्र अन्नपूर्ण पदयात्रामा हिडेका थिए ।

मनाङको निस्याङ गाउँपालिका—१ मा पर्ने क्याङ्दी भिरमा उनीहरु खसेका थिए । ढकालको शव शुक्रबार साँझ फेला पारिए पनि नेदरल्याण्डका नागरिक भिनसेन्टलाई भने फेला पार्न सकिएको छैन । जिल्ला प्रहरी कार्यालय मनाङका प्रहरी निरक्षिक श्रवण कुमार विकका अनुसार मनाङबाट फर्किने क्रममा फागुन २३ गते उनीहरु पहिरोमा परेका थिए ।

पहिरोमा खसेका उनीहरुको खोजी कार्य सुरु गरिएको थियो । ढकालको शव हिउँले पुरिएको अवस्थामा शुक्रबार साँझ फेला परेको थियो । ढकालको शव शल्यपरीक्षण गरी शनिबार आफन्तलाई जिम्मा लगाइने प्रहरीले जनाएको छ ।नेदरल्याण्डका नागरिक भिनसेन्टको खोजी कार्य जारी रहेको प्रहरीले जनाएको छ ।

Related News

सम्बन्धित समाचार

  • १७ औं प्याब्सन स्पोर्टस्: ७७१२ विद्यार्थी प्रतिस्पर्धामा

    आदर्श समाज सम्वाददाता मंसिर २१, २०७९
    पोखरा । १७ औं प्याब्सन स्पोर्टस् मिटअन्तर्गत बुधबारदेखि सिनियर र जुनियरतर्फ फुटबल प्रतिष्पर्धा सुरु भएको छ । प्याब्सन कास्कीको आयोजनामा स्पोर्टस्…
  • घरपिच्छे मौरीको घार

    धनबहादुर गुरुङ मंसिर २१, २०७९
    पोखरा । चिटिक्क मिलेको गाउँ । थुम्कोमा भएकाले उत्तरतर्फ हिमालको दर्शन मज्जैले पाइने । भ्याएसम्मका डाँडा हेरेर नयन थाक्दैनन् ।…
  • नयाँ निर्वाचनको व्यवस्था आवश्यक : थपलिया

    आदर्श समाज सम्वाददाता मंसिर २१, २०७९
    पोखरा । प्रमुख निर्वाचन आयुक्त दिनेशकुमार थपलियाले प्रतिनिधि सभा सदस्य तथा प्रदेश सभा सदस्य निर्वाचनले मुलुकमा उच्च राजनीतिक संस्कार स्थापित…
  • सकियो समानुपातिक मतगणना, एमालेलाई सर्वाधिक ३४ सिट

    आदर्श समाज सम्वाददाता मंसिर २०, २०७९
    पोखरा । प्रतिनिधिसभा र प्रदेशसभा निर्वाचनअन्तर्गत समानुपातिकमा नेकपा (एमाले) पहिलो पार्टी बन्दै सर्वाधिक ३४ जितेको छ । गएको ४ मंसिरमा…
  • मेलामा महिला उद्यमीका कहानी

    आदर्श समाज सम्वाददाता मंसिर २०, २०७९
    पोखरा । पोखरा उद्योग वाणिज्य संघ आयोजनामा जारी समृद्धि स्टिल्स राष्ट्रिय औद्योगिक व्यापार मेला अवसरमा सोमबार ‘सेल्फ मेड महिला’ विषयक…

hero news full width