प्रदेश प्रमुखले भेटे मन्त्रीका परिवारलाई

आदर्श समाज सम्वाददाता
फागुन २०, २०७५
प्रदेश प्रमुखले भेटे दिवंगत मन्त्रीका परिवारलाई (1)_Fotor

पोखरा, १९ फागुन।गण्डकी प्रदेश प्रमुख बाबुराम कुँवरले ताप्लेजुङ हेलिकोप्टर दुर्घटनामा दिवंगत भएका पर्यटन मन्त्री रवीन्द्र अधिकारीका शोकाकुल परिवारलाई भेटेका छन् ।

आइतबार काठमाडौंबाट पोखरा आएलगत्तै प्रदेश प्रमुख कुँवर मन्त्री अधिकारीको पोखरा–५ मालेपाटनस्थित निवासमा पुगेर दिवंगत अधिकारीका परिवारजनलाई भेटी समवेदना प्रकट गरेका हुन् ।

अधिकारीकी धर्मपत्नी विद्या अधिकारी, छोरा स्वराजसँग छोटो कुराकानी गर्दै प्रदेश प्रमुख कुँवरले शोकाकुल सबै परिवारजनलाई समवेदना प्रकट गरेका थिए । प्रदेश प्रमुख कुँवरले मन्त्री अधिकारीको निधनले परिवार, समाज, प्रदेश र पूरै मुलकलाई अपुरणिय क्षती भएकाले समग्र देशलाई नै स्तब्ध बनाएको बताएका छन् ।

‘रविन्द्र अर्थात रवि (आदित्य) प्रज्वलित प्रकाश छर्ने वाला जसले आफ्नो राजनैतिक जीवनभर जनकल्याणको लागि काम गर्नुभयो । बहालवाला मन्त्री छँदा अकालमै उहाँको निधन हुँदा म अत्यन्त मर्माहत भएको छु, ’ प्रदेश प्रमुख कुँवरले शोक पुस्तिकामा लेखेका छन, ‘माता पिता तथा मातृभूमिले एउटा सुपुत्र गुमाएको छ । जनताले एउटा सुयोग्य नेता गुमाएको छ ।’

‘मेरो भाईजस्तै मलाई सँधै दाजु बनेर बोलाउने स्नेही र सँधै प्रशन्न रहने उच्च व्यक्तित्व कहिलेकँही पवित्र कोखबाट जन्मने गर्छन् । धन्य छ त्यो पवित्र कोख जसले यस्तो ओजस्वी नागरिक, नेता मातृभूमिलाई दिएको थियो । बिडम्बना दैवको क्रुर प्रहार यस्तो व्यक्तित्वलाई हामीबाट चुडेर लग्यो’ प्रदेश प्रमुख कुँवरले शोक पुस्तिकामा उल्लेख गरेका छन् ।

‘म ईश्वरसँग यही प्राथना गर्दछु दिवंगत आत्माको बैकुण्ठ वास होस् ।

शोकाकुल परिवारजन सबैप्रति र समस्त प्रदेशवासी दाजुभाई दिदी बहिनीहरुलई यस दुःखद घडीको यो पीडा सहन सक्ने शक्ति भगवानले प्रदान गरुन्, ’ प्रदेश प्रमुख कुँवरले शोक पुस्तिकामा आफ्नो कुरा टुंग्याउँदै लेखेका छन, ‘स्व. रविन्द्र मेरो भाई एवं मन्त्रीप्रति हार्दिक श्रद्धाञ्जली ज्ञापन गर्दछु ।’

Related News

सम्बन्धित समाचार

  • विद्यार्थीलाई गुन्द्री बुन्नेदेखि दुनाटपरी तयार गर्ने सीप

    रासस मंसिर १६, २०७९
    पाल्पा । आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा यहाँको एक विद्यालयले प्रयोगात्मकसँगै व्यवहारिक ज्ञान, सीप…
  • गोरखकाली रबर उद्योग : चिनियाँ टोलीको उद्योग सञ्चालनमा चासो

    प्रकाश ढकाल मंसिर १६, २०७९
    पोखरा । नेपालमा भारत, चीन, इटाली, अमेरिकालगायत देशबाट बढी टायर भित्रिन्छ । बर्सेनि १२ अर्ब रुपैयाँभन्दा बढी टायर खरिदमा नेपालले…
  • ‘जंगल जंगल डुल्नुपर्छ भन्ने चिन्ताले नर्सिङ’

    आदर्श समाज सम्वाददाता मंसिर १५, २०७९
    पोखरा । पोखरेली युवा सांस्कृतिक परिवारले स्रष्टाका अनुभव र अनुभूतिअन्तर्गतको नयाँ शृंखलामा मंगलबार साहित्यकार तथा राधा पौडेललाई प्रस्तुत ग¥यो ।…
  • दलले गुमाए मत

    प्रकाश ढकाल मंसिर १५, २०७९
    पोखरा । पहिलो पार्टी बन्ने तरखरमा रहेको नेपाली कांग्रेस र बलियो पहिलो पार्टीबाट दोस्रोमा खस्किन लागेको एमालेसहित परम्परागत अधिकांश दलको…
  • कास्कीमा ५ प्रतिशत मत बदर

    रासस मंसिर १४, २०७९
    पोखरा ।कास्कीमा यस पटकको प्रतिनिधिसभा तथा प्रदेशसभा निर्वाचनमा करिब पाँच प्रतिशत मत बदर भएको छ । तीन निर्वाचन क्षेत्र रहेको…

hero news full width