पोखरा, १९ फागुन । पोखराको फेवातालमा आइतवार विहान एक युवतीको शव भेटिएको छ ।

अन्नपूर्ण गाउँपालिका—२ ढिकुरपोखरी निवासी १९ बर्षीया दिब्या अधिकारीको शव गौरीघाट नजिक फेवातालमा भेटिएको जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता रवीन्द्रमान गुरुङले जानकारी दिए ।

तालमा तैरिरहेको अबस्थामा शव विहान ७.०० वजे स्थानीयले देखेपछि प्रहरीलाई खबर गरेका थिए । शल्यपरीक्षणको लागि पोखरा स्वास्थ्य बिज्ञान प्रतिष्ठान अन्तरगत पश्चिमाञ्चल क्षेत्रीय अस्पतालमा राखिएको छ ।

पोखरा नर्सिङ कलेज रानीपौवामा विएसी नर्सिङ प्रथम बर्षमा अध्ययनरत गर्दै गरेकी ती युवतीको शरिरमा वाहिरी घाउचोट नदेखिएको कास्कीका प्रहरी प्रमुख ओम रानाले बताए । शल्यपरक्षिणको रिपोर्ट पछि थप अनुसन्धान थालिने जानकारी पनि उनले दिए ।

घटनाको प्रकृति हेर्दा हत्या गरेको जस्तो देखिदैन, अस्पतालले शल्य परीक्षणको रिपोर्ट दिएपछि अन्य कुरा थाहा हुने छ, कास्कीका प्रहरी प्रमुख ओम रानाले भने — उनको साथमा प्लाष्टिकले वेरिएको अवस्थामा अंकलको मोवाइल नं भेटिएको छ । घटनाको वारेमा थप अनुसन्धान सुरु गरिएको जानकारी प्रहरी प्रवक्ता गुरुङले दिए ।