लेखनाथ, १९ फागुन । महाशिवरात्रीको अवसरमा पारेर रुपा गाउँपालिका–५ को दोेभान क्लबले सरसफाई कार्य सम्पन्न गरेको छ ।

सरसफाई कार्यक्रमको शुभारम्भ रुपा गाउँपालिका वडा नं. ५ का वडा अध्यक्ष टेक बहादुर गुरुङ्गले गरेका हुन् । उदाहरणीय र प्रशंसनीय रहेको बताउादै उनले आगामी दिनहरुमा पनि निरन्तरता दिन आग्रह गरे ।

क्लबका अध्यक्ष दीपक अधिकारीले फोहोर अत्यन्त संवेदशील वस्तु भएकाले यस क्षेत्रको ईज्जतसंग जोडिएको हुँदा सबै यूवा सरसफाईमा जुटनु पर्नेमा जोड दिए ।

चटपट, विष्कुट, चाउचाउ, गूटका तथा सूर्तीजन्य पदार्थको प्लास्टिकजन्य फोहोरलाई निराकरण तथा समाधानका लागि क्लबले ब्यबसायी तथा बुद्धिजीवीको सहयोगमा टोल एवं बाटोमा डस्वीनको व्यवस्था गरेको जानकारी क्लबले दिएको छ ।

सरसफाई कार्यमा फेदीटोल विकास संस्था,बेत्यनी टोल विकास संस्था, फेदी नेवा सांस्कृतिक गुठि, दोभान आमा समुह, एकान्तकुना आमा समुह, कालिका एकता आमा समुह, गाउँ विकास कृषि सहकारी संस्था को सहभागीता थियो ।