तीन दिन देशैभरी बर्षा हुने

एजेन्सी
फागुन १९, २०७५
rain


पोखरा, १९ फागुन । पश्चिम न्यून चापीय प्रणणलीका कारण मौषम बदलीभई नेपालका विभिन्न भागमा तीन दिनसम्म बर्षा हुने भएको छ ।

जल तथा मौसम पूर्वानुमान महाशाखाले आइतबार बिहानैदेखि काठमाण्डौ, पोखरा लगायत देशका धेरै स्थानमा बर्षा भएको जनाएको छ । शनिबार रातिबाट फैलिएको नयाँ पश्चिमी वायूको प्रभावले देशभर मौसम बदली भएको महाशाखाका मौसमविद् सुवास रिमालले बताए।

पश्चिमी वायुको प्रभावकै कारण नेपालमा यस वर्ष हिमपात पनि विगत वर्षभन्दा धेरै भएको छ। यस वर्ष पहाडी क्षेत्रका होचा भू—भागमा समेत हिमपात भएको छ। काठमाडौं उपत्यकामा समेत यस वर्ष १२ वर्षपछि बाक्लो हिउँ परेको छ।

अबको तीन दिन देशका धेरै ठाउँमा मेघ गर्जनसहित हल्का बर्षाको सम्भावना छ,’ रिमालले भने, ‘देशका उच्च हिमाली भू–भागमा हल्कादेखि मध्यम खालको हिमपातको समेत सम्भावना देखिन्छ।’ यो प्रभाव मंगलबारसम्म जारी रहने रिमालले बताए।

महाशाखाका अनुसार आइतबार अपराह्न देशको पश्चिमी भू—भागसँगै मध्य र पूर्वका पहाडी भू—भागमा मेघगर्जनसहित हल्का वर्षाको सम्भावना छ।

विगतभन्दा यस वर्ष पश्चिमी वायुको प्रभावले नेपालमा औसतभन्दा धेरै वर्षा भएको छ। मौसमविद् रिमालले २३ पुसयता करिब दर्जनपटक पश्चिमी वायु नेपाल भित्रिसकेको छ। जसको प्रभावस्वरुप देशैभर औसतभन्दा बढी वर्षा भएको बताए ।

Related News

सम्बन्धित समाचार

  • ‘जंगल जंगल डुल्नुपर्छ भन्ने चिन्ताले नर्सिङ’

    आदर्श समाज सम्वाददाता मंसिर १५, २०७९
    पोखरा । पोखरेली युवा सांस्कृतिक परिवारले स्रष्टाका अनुभव र अनुभूतिअन्तर्गतको नयाँ शृंखलामा मंगलबार साहित्यकार तथा राधा पौडेललाई प्रस्तुत ग¥यो ।…
  • दलले गुमाए मत

    प्रकाश ढकाल मंसिर १५, २०७९
    पोखरा । पहिलो पार्टी बन्ने तरखरमा रहेको नेपाली कांग्रेस र बलियो पहिलो पार्टीबाट दोस्रोमा खस्किन लागेको एमालेसहित परम्परागत अधिकांश दलको…
  • कास्कीमा ५ प्रतिशत मत बदर

    रासस मंसिर १४, २०७९
    पोखरा ।कास्कीमा यस पटकको प्रतिनिधिसभा तथा प्रदेशसभा निर्वाचनमा करिब पाँच प्रतिशत मत बदर भएको छ । तीन निर्वाचन क्षेत्र रहेको…
  • डुम्रे–बेंसीसहर सडक बन्द

    आदर्श समाज सम्वाददाता मंसिर १४, २०७९
    लमजुङ । लमजुङ सदरमुकाम बेसीसहरसँग जोडिएको एकमात्र सडक फेरि एक साताका लागि बन्द गरिएको छ । साढे ५ महिनापछि खुलेको…
  • पोखरालाई विश्वसँग जोड्दै विमानस्थल   

    आदर्श समाज सम्वाददाता मंसिर १३, २०७९
    काठमाडौं ।  पर्यटकीय नगरी पोखरा (कास्की)मा पोखरा क्षेत्रीय अन्तर्राष्ट्रिय विमानस्थल सञ्चालन हुने भएपछि मुलुकको पर्यटन क्षेत्रमा आयाम थपिने पर्यटन व्यवसायीहरुले…

hero news full width