पोखरा, १७ फागुन । हेलिकप्टर दुर्घटनामा परी निधन भएका संस्कृति, पर्यटन तथा नागरिक उड्डयनमन्त्री रवीन्द्र अधिकारीलाई श्रद्धाञ्जली दिन शुक्रवार पोखराको नयाँवजार स्थित प्रदर्शनी केन्द्रमा पोखरेलीको भीड लागेको छ ।

राजधानी काठमाण्डौवाट उनको शव दिउसो १.०० वजे नयाँ वजार स्थित प्रदर्शन केन्द्रमा ल्याइएपछि मन्त्री अधिकारीलाई श्रद्धाञ्जली दिन पोखरेलीको भीड लागेको हो । हजारौको संख्यामा वालकदेखि वृद्धासम्म उनलाई श्रद्धाञ्जली दिन प्रदर्शनी केन्द्र पुगेका छन् ।

उनलाई अन्तिम श्रद्धाञ्जलि दिने नेकपा नेता वामदेव गौतम, ईश्वर पोखरेल, नारायणकाजी मन्त्रीहरु श्रेष्ठ, गोकर्ण विष्ट, पद्मा अर्याल, गण्डकी प्रदेशका मुख्यमन्त्री पृथ्वीसुब्वा गुरुङ, मन्त्रीहरु, प्रतिनिधि सभा सभा तथा प्रदेश सभा सदस्य र विभिन्न राजनीतिबक दलका नेता तथा प्रदर्शनी केन्द्र पुगेका छन् । उनलाई श्रद्धाञ्जली दिन जानेको भिडले गर्दा नयाँ वजार र नयाँ सडकको सडक नै ट्राफिक जाम भएको छ ।

अन्तिम श्रद्धाञ्जलि दिन रवीन्द्रका बुवा इन्द्रप्रसाद अधिकारी, आमा लक्ष्मी अधिकारी, पत्नी विद्या अधिकारी प्रदर्शनी केन्द्रमा पुगेका थिए । रवीन्द्र अधिकारीलाई श्रद्धाञ्जलि दिनका लागि गाउँगाउँवाट नेकपा मात्र हैन सवै राजनीतिक दल र सर्वसाधारणको भीड छ ।

श्राद्धाञ्जली दिन प्रदशृनी केन्द्र पुगेका कास्की मादी गाउँपालिका भाचोकका आनन्द सुवेदीले भने —देशले एक हुनहार नेता गुमाउनु परेको छ, कास्कीले यस्तो नेता अब पाउन गाह्रो छ । सवैसँग नरम व्यवहार ,दुरदर्शी, सवैलाई समान व्यवहार, अनुसाशित नेता गुमाउदाको पीडा खप्न सक्ने अवस्थामा छैन् ।

नेकपा कास्कीका कार्यकर्ता इमानराज पौडेल मन्त्री रवीन्द्रको शवमा पुष्पमाला चढाउदै रुनथाले दैवले पनि इमान्दारलाई र राम्रो मान्छेलाई मात्र लादो रहेछ । श्रद्धाञ्जलि दिन लागेको भिडलाई नियन्त्रण गर्न प्रहरीलाई परिचालन गरिएको छ ।
रवीन्द्र अधिकारीलाई श्रद्धाञ्जली दिनका लागि चार वजेसम्म प्रदर्शनी केन्द्रमा राखिने र चार वजे शव यात्रा सुरु गरिने छ । सरकारको निर्णय अनुसार उनलाई राजनीय सम्मान सहित सम्मान दिन लागिएको कास्कीका प्रमुख जिल्ला अधिकारी चक्रवहादुर वुढाले जानकारी दिए ।

शव यात्रा पर्दशनी केन्द्रवाट सुरुभई नयाँवजार, रानीपौवा, अस्पताल चोक हुदै रामघाटमा पुगेर अन्त्येष्टि गरिन गण्डकी प्रदेशका भौतिक पूर्वाघार तथा विकास मन्त्री एवं सरकारका प्रवक्ता रामशरण वस्नेतले जानकारी दिए । शव यात्रामा हजारौ कस्केलीको सहभागीता रहने भएको छ ।

कास्कीको पोखरा महानगरपालिका–३३ भरतपोखरीको जामुनाबोटमा जन्मिएका स्व अधिकारी कास्की क्षेत्र नं २ बाट प्रतिनिधिसभामा निवाचित भएका थिए ।

ऋषिराम बराल