पोखरा, १७ फागुन । लागु औषधमुद्दामा म्यादथप गरी कास्की हिरासतमा राखिएका एक युवकको कास्की सेवा अस्पताल रामघाट पोखरामा उपचारको क्रममा विहीवार मृत्यु भएको छ ।

भारतको मोतिहारी घरभई पोखरा—८ वस्दै आएका ३० बर्षीय सन्दिप शाहको मृत्यु भएको हो । लागु औषध कारोबारमा पुस २ गते पक्राउ परेका शाहले विहीवार विहान हिरासत कक्षमा नै वान्ता गरेपछि उपचारका लागि अस्पताल लगिएको थियो ।
तत्काल उपचारका लागि सेवा अस्पताल लगिएको भएपनि उनको उपचारकै क्रममा मृत्यु भएको थियो ।

जिल्ला प्रहरी कार्यालय कास्कीका प्रहरी नायव उपरक्षिक एवं प्रहरी प्रवक्ता रवीन्द्र गुरुङका अनुसारशाहले हिरासतमा नै बिष सेवन गरेको खुल्न आएको छ । साहलाइृ विस पुर्याएकाे आशंकामा जिल्ला प्रहरी कार्यालय कास्कीका एक प्रहरी जवानलाई कास्की प्रहरी थुनामा राखी अनुसन्धान सुरु गरेको जानकारी गुरुङले दिए ।

उनले विष भित्र किन लगेका हुन् । हिरासतभित्रै विष कसरी पुर्याइयो, सुरक्षा घेरामा रहेकै बेला उनले कसरी सेवन गरे भन्ने विषय अनुसन्धानपछि खुल्ने जानकारी प्रहरी नायव नीरक्षक गुरुङले दिए ।

हिरासतमा रहेका व्यक्तिका लागि औषधी खुवाउनु परे पनि चिकित्सक वा स्वास्थ्यकर्मीको सिफारिस चाहिन्छ । उनको शव परीक्षणको लागि पश्चिमाञ्चल क्षेत्रीय अस्पताल पोखरामा राखिएको छ । लागु औषध कारोवारमा साहले प्रयोग गरेको गाडी त्यतिबेलै प्रहरीले नियन्त्रणमा लिएको थियो ।

पोखरा, ८ मा बस्दै आएका साहलाई पुस २ गते आगुऔषध नियन्त्रण ब्युरो पोखराले पक्राउ परेको हो । बा१८च ६७८५ नम्बरको मारुती गाडी र उनको कोठामा लुकाएर राखेको अवस्थामा लागुऔषध सहित साह पक्राउ परेका थिए । उनको साथबाट २ वटा मोबाइल र विभिन्न प्रकारका २ हजार ९ सय ७० चक्की लागुऔषध नियन्त्रणमा लिएको थियो ।