क्रियाकर्ममा आमा समूहको भवन

आदर्श समाज सम्वाददाता
फागुन १७, २०७५
devisthyan aama samuha bhaban_Fotor

हेमजास्थित देवीस्थान आमा समूहको भवनमा बिहीबार किरियाकर्म गरिँदै। तस्वीर : श्रीभद्र पौडेल/आदर्श समाज

हेमजास्थित देवीस्थान आमा समूहको भवनमा बिहीबार किरियाकर्म गरिँदै। तस्वीर : श्रीभद्र पौडेल/आदर्श समाज

हेमजा, १६ फागुन। पोखरा–२५, हेमजास्थित देवीस्थान आमा समूहको भवन निर्माण गरिएको छ।

२०७३ पुस ११ गते शिलान्यास सो भवनको हालै एक कार्यक्रमबीच उद्घाटन गरिएको हो।

भवनको जग्गादाता झपटबहादुर भण्डारी तथा गंगा भण्डारीले उद्घाटन गरेका हुन्। त्यस अवसरमा भनाइ राख्दै उनीहरुको भवनको सदुपयोग गर्नुपनेर्मा जोड दिए।

करिब १७ लाख रुपैयाँ नगद तथा अन्य सहयोगदाताको जिन्सी सामग्री प्रयोग गरी ६ आना क्षेत्रफलमा भवन निर्माण गरिएको हो। साढे एकतले उक्त भवनमा दुई शौचालय त्यस्तै ट्रस सहितको क्रियाकर्म स्थल निर्माण गरिएको छ।

त्यस्तै बत्ती, पानी, फर्निचरको व्यवस्था पनि गरिएको छ। भवनलाई समूहको प्रयोजनका अलावा किरिया घरका रुपमा पनि प्रयोग गरिँदै आएको छ।

उक्त भवनमा हालसम्म २० परिवार बढीले किरियाकर्म गरिसकेको आमा समूहकी अध्यक्ष बुद्घदेवी कुँवरले जानकारी दिइन्। समूहका सल्लाहकार श्यामबहादुर खड्काले भवनलाई अझै व्यवस्थित गर्न बाँकी रहेको बताए। बिहीवार उक्त भवनमा आमाको किरिया कर्म गरिरहेका स्थानीय भीमसेन टोल निवासी कृष्णबहादुर सापकोटाले भवनमा पण्डित, पहेंलो फूल, केराको गाँज, दाँत माझ्ने सजीवन, टेलीफोन लगायतका पक्ष उपलब्ध गराउन सके कर्ममा थप प्रभावकारिता आउने विश्वास व्यक्त गरे।

समूह भवनमा किरिया कर्म चलाएपछि हेमजा क्षेत्रमा कोठाभाडामा लिइ बस्ने समुदाय बढी लाभदायी भएको आमा समूहले जनाएको छ।

भवनमा पुस्तक तथा पत्रपत्रिका पनि राख्ने व्यवस्था गर्न लागिएको समूह अध्यक्ष कुँवरको भनाइ छ।

Related News

सम्बन्धित समाचार

  • लायन्स पोखरा नर्थको छैटौं चार्टरनाइट

    आदर्श समाज सम्वाददाता श्रावण ४, २०८१
    हेमजा । लायन्स क्लब पोखरा नर्थको छैंटौं चार्टर नाइट कार्यक्रम भएको छ । पोखरा २५ का अध्यक्ष मोतीराज तिमिल्सिनाले कार्यक्रम…
  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…

hero news full width