अपडेट – हेलिकप्टर दुर्घटनामा मन्त्री सहित ६ जना सम्पर्क विहीन

एजेन्सी
फागुन १५, २०७५
minister-adhikari-808×400


काठमाण्डौ, १५ फागुन । संस्कृति, पर्यटन तथा नागरिक उड्ययन मन्त्री रवीन्द्र अधिकारी, यति एयरलाइन्सका मालिक आङछिरिङ शेर्पा लगायत ६ जना सवार एयर डाइनेस्टिको हेलिकप्टर र हेलिकप्टरमा सवार बुधबार विहानदेखि सम्पर्क विहीन छन् ।

तेह्रथुमको अठराई चुहानडाँडा विमानस्थलको सम्भाव्यता अध्ययन गर्न गएको टोली फर्किने क्रममा दुर्घटनामा परेको हो। एयर डाइनेस्टीको सो हेलिकप्टर पाँचथरको पाथिभराबाट उडेको १० मिनेटमै कडा आवाजसाथ पड्किएको प्रदेश १ का प्रहरी प्रवक्ता सिद्धराज न्यौपानेले बताए।

दुर्घटना भएको भनिएको हेलिकप्टरमा प्रभाकर केसी क्याप्टन छन्। मन्त्री अधिकारसँगै हेलिकोप्टरमा यति एयरलाइन्सका मालिक आङछिरङ शेर्पा, वीरेन्द्रप्रसाद श्रेष्ठ, युवराज दाहाल र अर्जुनकुमार घिमिरेसहित ६ जना छन्।
न्यौपानेले ताप्लेजुङको पाथिभराबाट उडेको केहीबेरमै पड्किएको आवाज सुनिएको र त्यसपछि हेलिकोप्टर सम्पर्क विहीन भएको बताइएको छ । घटनाको  सूचना प्राप्त भएपछि ताप्लेजुङ जिल्ला प्रहरी कार्यालयका डीएसपी सञ्जयसिंह थापाको नेतृत्वमा ११ जनाको टोली दुर्घटनास्थल तर्फ गएको छ ।

तेह्रथुमकी प्रमुख जिल्ला अधिकारी लक्ष्मीदेवी होमागाईंका अनुसार मन्त्रीसहितको टोली अठराई चुहानडाँडाको अवलोकनपछि ताप्लेजुंगतर्फ लागेको थियो। ‘जिल्लाको आठराईस्थित चुहान डाँडामा निर्माण गर्ने भनिएको विमानस्थलको अवलोकन गरेर फर्की सक्नु भएको थियो, यहाँको काम सकेर तेह्रथुमसँगै जोडिएको ताप्लेजुङतर्फ उक्त टोली लागेको थियो ।

तेह्रथुमकी प्रमुख जिल्ला अधिकारी लक्ष्मीदेवी होमागाईंले भनिन् ‘पाथिभराको दर्शन गर्न जाने क्रममा हेलिकोप्टर दुर्घटनामा परेको हो।’ काठमाडौँबाट बिहान आठ बजे उडेको कल साइन एएमआई (अल्फा माइक इन्डिया) सो हेलिकप्टर दुर्घटनामा परेको गृहसचिव प्रेमकुमार राईले राज्य व्यवस्था समितिको बैठकमा जानकारी गराइसकेका छन् ।

तेह्रथुमको आठराई स्थित हेलिप्याड निरीक्षण गरि पाथिभरा मन्दिर दर्शन गर्न उडेको मन्त्री अधिकारी चढेको हेलिकप्टर दाह्रेभीरमा दुर्घटनाग्रस्त भएको देखेको स्थानीयले प्रहरीलाई खबर गरेका थिए।दुर्घटनामा परी हेलिकप्टरमा सवार ६ जनाको नै मृत्यु भएको हुनसक्ने वताइएको छ तर नेपाल सरकारले आधिकारीक पुष्टि भने गरिसकेको छैन । हेलिकोप्टर दुर्घटनामा परेको खबर सार्वजनिक भएपछि प्रधानमन्त्री ओलीले मन्त्रीहरुलाई बालुवाटार बोलाएका छन् ।

Related News

सम्बन्धित समाचार

  • विद्यालय जाँदा आउँदा दैनिक ६ घण्टा

    रासस मंसिर १२, २०७९
    बझाङ । दोगडाकेदार गाउँपालिका–१ बैतडीका प्रकाश विष्ट भर्खर किशोरावस्थामा प्रवेश गर्नुभयो । गोरङ घर भएका उहाँलाई विद्यालय जान ‘निल्नु न…
  • चुनावी परिणाम : मुलुक अस्थिरतामा धकेलिने चिन्ता

    आदर्श समाज सम्वाददाता मंसिर १२, २०७९
    पोखरा । प्रतिनिधि सभा तथा प्रदेश सभाको हालै सम्पन्न निर्वाचनको परिणामले दलहरु सम्भावित सत्ताको खेलमा लाग्दा मुलुक अस्थिरतामा धकेलिन सक्ने…
  • संसदमा स्वतन्त्रको निरन्तरता

    रासस मंसिर ११, २०७९
    काठमाडौं । मुलुकका प्रमुख राजनीतिक शक्ति निर्वाचनको परिणाम आफ्नो पक्षमा ल्याउन गठबन्धन गरे तापनि केही निर्वाचन क्षेत्रमा गठबन्धनलाई पछि पार्दै…
  • महिला सहभागितामा समानुपातिककै भर

    धनबहादुर गुरुङ मंसिर ११, २०७९
    पोखरा । गण्डकी प्रदेशसभामा ६० सिट कायम छ । संविधानले व्यवस्था बमोजिम प्रदेश संसदमा ३३ प्रतिशत महिला सहभागिता पुर्‍याउन कम्तीमा…
  • मतदानमा सहभागी हुन मुख्यमन्त्रीको आग्रह

    आदर्श समाज सम्वाददाता मंसिर ३, २०७९
    पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले निर्वाचन आचारसंहिताको पूर्ण पालना गर्दै स्वतन्त्ररुपमा योग्य उम्मेदवारको छनौटका लागि मतदानमा संलग्न…

hero news full width