पोखरा, १३ फागुन । राप्रपा केन्द्रीय समितिले मेची महाकाली राष्ट्रिय स्वाभिमान यात्रा गर्ने भएको छ ।

फागुन १५ देखि ३० गतेसम्म हुने यात्राको सिलसिलामा पोखरामा २८ गते यात्राको तयारी थालिएको छ । राप्रपा कास्कीले सोको पूर्व तयारीको लागि विशेष बैठक सम्पन्न गरेको जनाएको छ ।

राप्रपा जिल्ला अध्यक्ष डा महेन्द्रबहादुर कार्कीको संयोजकत्वमा जिल्ला, क्षेत्रीय, पोखरा महानगरपालिका, गाउँपालिका, वडा तथा इकाइका पदाधिकारी तथा सदस्य रहने गरी मूल स्वागत समिति गठन गरिएको छ ।

स्वागत उपसमिति संयोजक इन्दिरा शाही, आर्थिकमा रवीन्द्रकुमार श्रेष्ठ, प्रचारमा हरिप्रसाद बराल, भोजन तथा आवासमा जगतप्रसाद सुवेदी, युवा तथा स्वयंसेवक परिचालनमा नारायण गुरुङ, जनपरिचालनमा ईश्वरी बैरागी रहेका छन् । उक्त समितिमा जिल्लास्थित केन्द्रीय सदस्य तथा प्रदेशका पदाधिकारी सदस्यलाई सल्लाहकारमा राखिएको राप्रपा प्रचार विभाग केन्द्रीय सदस्य सूर्य बास्तोलाले जानकारी दिए ।