आठबर्ष वित्दा पनि पुल बनेन

रासस
फागुन १०, २०७५
ppppppp


म्याग्दी, १० फागुन । म्याग्दीको बेनी–दरवाङ सडकअन्तर्गत दुखुखोलामा मोटरेवल पुल निर्माणमा ढिलासुस्ती हुँदा यात्रुले सास्ती खेपेका छन् ।

प्राविधिक कमजोरी, सम्बद्ध कार्यालयको ढिलासुस्ती र निर्माण व्यवसायीको लापर्वाहीका कारण मङ्गला र मालिका गाउँपालिकाको सिमानास्थित दुखुखोलामा आठ वर्षअघि निर्माण शुरु गरिएको पुल अझै निर्माण हुन सकेको छैन ।

बाइस मिटर लामो सो पुल निर्माणका लागि विसं २०६७ मा तत्कालीन जिल्ला विकास समितिले विकेन्द्रित ग्रामीण पूर्वाधार निर्माण तथा जीवीकोपार्जन सुधार कार्यक्रम (ड्रिलीप) अन्तर्गत बनाइएको पुलको नमूना रद्द गरेर २०७३ साउन ९ गते जिविस र प्राविधिक कार्यालयले पुनः सर्वेक्षण गरेपछि रु दुई करोड २५ लाख ६० हजार ८२३ मा निर्माण गर्ने गरी स्वच्छन्द–गौचन जेभीले ठेक्का पाएको थियो ।

सो कम्पनीले विसं २०७४ कात्तिकमा निर्माण गरिसक्नुपर्ने सम्झौतामा उल्लेख भए पनि अहिलेसम्म दुबैतर्फको पिल्लर मात्र ठड्याएर काम अलपत्र छोडिएको छ । गत मङ्सिरदेखि काम पनि भएको छैन । पुल निर्माण नहुँदा सर्वसाधारण खोलामा जोखिम मोलेरै पनि वारपार गर्न बाध्य भएको मालिका गाउँपालिकाका अध्यक्ष श्रीप्रसाद रोकाले बताए।

बेनी–दरवाङ मङ्ला, मालिका, धवलागिरि र बागलुङको तमानखोला गाउँपालिकालाई सदरमुकाम बेनीसँग जोड्ने सडक हो । “हिउँदमा खोलाबाटै सवारीसाधन तरे पनि बर्खामा बाढी आउँदा सवारीसाधन आवतजावत ठप्प हुन्छ ।

उक्त कम्पनीले ठेक्का लिए पनि काम भने बेनीको श्रमजीवी निर्माण कम्पनीले काम गर्दै आएको छ । सङ्घीयबाट प्रदेश सरकारमा पुल निर्माणको जिम्मेवारी हस्तान्तरण भए पनि बजेट व्यवस्थापन र अख्तियारी आउन ढिलाइ भएकाले यो पुल निर्माण हुन नसकेको अध्यक्ष रोकाको गुनासो थियो । पूर्वाधार विकास कार्यालयका महाशाखा प्रमुख तथा इञ्जिनीयर ओमराज ढुङ्गानाले दुखु र स्वाँता खोला पुलको योजना हस्तान्तरण भइसकेकाले निर्माणका लागि ठेकेदारलाई ताकेता गरिरहेको जानकारी दिए ।

प्रदेश सरकारले बजेट उपलब्ध गराए पनि निर्माणका लागि अख्तियारी दिन ढिलासुस्ती गरेकाले पूर्वाधार कार्यालय र निर्माण कम्पनीका प्रतिनिधिलाई ताकेता गरिएको जिसस प्रमुख देवेन्द्र केसीले बताए । पछिल्लो पटक आगामी वैशाख मसान्तसम्म पुल निर्माण सम्झौताको म्याद थप भएको छ ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width