चितवन, ९ फागुन । चितवन जिल्ला स्थित भरतपुर महानगरपालिकाकी उपप्रमुख पार्वती शाह ठकुरीलाई ज्यान मर्ने धम्की दिइएको छ ।

उपप्रमुख ठकुरीलाई एक विद्यार्थी नेताले सामाजिक सञ्जाल मार्फत धम्कीपूर्ण सन्देश पठाएको उनले बताएकी छन् । ठकुरी नेपाली काँग्रेसको तर्फवाट निर्वाचत हुन् । उक्त धम्की प्रति नेपाली काँग्रेस चितवनका सचिव उत्तम जोशीले एक विज्ञप्ति प्रकाशित गर्दै आपत्ति प्रकट गरेका छन् ।

विज्ञप्तिमा जनप्रतिनिधिका रूपमा सामाजिक काम गर्दैगर्दा सामाजिक सञ्जालमार्फत धम्की दिने प्रवृत्तिले मनोबल गिराउने काम भएको भन्दै ध्यानाकर्षण गरिएको छ । कुनै पनि बहानामा यस्ता धम्की तथा मनोबल गिराउने काम नगर्न नगराउन समेत विज्ञप्तिमा उल्लेख छ । यस्ता गतिविधि गर्नेमाथि कारवाही गर्नसमेत सम्बन्धित निकायसँग माग गर्दै आगामी दिनमा यस्ता घटना नदोहो¥याउन विज्ञप्ति मार्फत ध्यानाकर्षण गरिएको छ ।