देवघाटधाम विराट ज्ञान महायज्ञ समापनपछि महेश सन्यास आश्रमको प्राङ्गणमा आयोजित कृतज्ञता ज्ञापन समारोहमा सहभागी यज्ञकर्ता, वटुकसहित भक्तजनहरू। माघ २२ गतेबाट शुरू भएको महायज्ञ फागुन १ गते समापन भएको थियो। आदर्श समाज

पोखरा, २ फागुन । देवघाट धाम विराट–ज्ञान महायज्ञ २०७५ को बिहीबार पूर्णाहूति भयो।

महेश सन्यास आश्रम देवघाट तथा महेश संस्कृत गुरुकुल देवघाटको रजत वर्ष महोत्सव तथा आश्रमका संस्थापक सन्तमणि डा. रामानन्द गिरिको पावनस्मृतिमा आयोजित उक्त महायज्ञ सोमबार समापन भएको हो। महायज्ञको माघ २२ गते राष्ट्रपति विद्यादेवी भण्डारीले उद्घाटन गरेकी थिइन्।

यज्ञको फागुन १ गते समापन समारोहको प्रमुख आतिथ्यता गण्डकी प्रदेशका मुख्यमन्त्री पृथ्वीसुब्बा गुरुङले गरेका थिए।

उक्त महायज्ञबाट जिन्सी, जमिन तथा नगदसमेत गरी पौने पाँच करोड संकलन भएको महायज्ञ मूल आयोजक समितिका उपमहासचिव फणीन्द्रप्रसाद पौडेलले जानकारी दिए।