रक्तिममा फुटको खतरा, सम्मेलन स्थगित

इन्द्रमणि पाण्डे, विद्यार्थी पत्रकार
फागुन २, २०७५

पोखरा, १ फागुन । रक्तिम समूहमा फुट खतरा बढेपछि पोखरामा बुधबारदेखि हुने भनिएको चौथो सम्मेलन अन्तिम समयमा आएर स्थगित गरिएको छ। समूहमा जीवन शर्मालाई चुनौती दिँदै महासचिव नारायण योगीले विद्रोह गर्न खोजेका थिए।

दुई दिनअघि बसेको केन्द्रीय समितिको बैठकले सम्मेलन तोकिएकै समयमा आयोजना गर्ने निर्णय बहुमतले गरेको भए तापनि बुधबार महासचिव योगीले विज्ञप्ति जारी गरी सम्मेलन स्थगित गरिएको जनाएका हुन्। तर, लगत्तै शर्माले अर्को विज्ञप्ति जारी गरी सम्मेलन नरोकिने बताएका थिए ।

विवाद बढेपछि शर्मा समूहको बैठक बसी सम्मेलन अनिश्चितकालका लागि स्थगित गर्ने निर्णय लिएको हो।

‘समूहमा आउन सक्ने सम्भावित फुट रोक्न हामी एक कदम पछाडि हट्ने निर्णय गर्यौं,’ शर्माले भने। पोखरा सभागृहमा आयोजना हुने भनिएको सम्मेलनमा भाग लिन विभिन्न जिल्लाबाट केही प्रतिनिधि पोखरा आइसकेका थिए।

यसैबीच रक्तिम समूहका महासचिव योगीले गायक शर्माले समूहभित्रका नयाँ प्रतिभालाई माथि उठ्न प्रोत्साहित नगरेको आरोप लगाएका छन् ।

योगी भन्छन्, ‘रक्तिम समूह भन्नेबित्तिकै जीवन शर्माको मात्रै नाम आउँछ। जबकि समूहभित्र अरु पनि प्रतिभावान साथीहरु हुनुहुन्छ। उनले नयाँ पुस्तालाई माथि उठ्ने किसिमको वातावरण बनाउनुभएन।’

२०४३ सालमा स्थापना भएको रक्तिम समूहमा नेकपा मसालप्रति आस्था राख्ने विभिन्न विधाका कलाकार आवद्ध छन्। समूहले १२ भागसम्म गीति एल्बम निकालेको छ। अहिले भने यो क्रम बन्द छ। अहिले गीतहरु बनाएर युट्युवमा राख्ने र चेतनामूलक सडक नाटक प्रहर्शन गर्दै आएको छ ।यसैबीच, रक्तिम सांस्कृतिक अभियानको आयोजनामा बृहत् सास्कृतिक कार्यक्रम सम्पन्न भयो । फागुन १ देखि ३ गतेसम्म हुने भनिएको राष्ट्रिय सम्मेलन स्थगित भए पनि जीवन शर्मासहितका कलाकारले सांस्कृतिक कार्यक्रममा गीत संगीत प्रस्तुत गरेका छन् ।

Related News

सम्बन्धित समाचार

  • प्रतिभा माविको विद्यार्थी स्वागत

    आदर्श समाज सम्वाददाता श्रावण ८, २०८१
    पोखरा । पोखरा स्वास्थ्य विज्ञान प्रतिष्ठानका पूर्व उपकुलपति डा. बुद्धिबहादुर थापाले कुनै पनि विषयको अध्ययनमा हिम्मत नहार्न विद्यार्थीलाई सुझाएका छन्…
  • मापदण्ड मिचेका संरचना हटाउन सुरु

    आदर्श समाज सम्वाददाता श्रावण ८, २०८१
    पोखरा । पृथ्वी राजमार्गअन्तर्गत पोखरा–३२, तल्लो गगनगौंडाबाट भत्केको चौकीसम्म ४ किलो मिटर दुरीमा सडक मापदण्ड मिचेर बनाइएका अस्थायी संरचना हटाउन…
  • शताब्दी काव्यपुरुष गोपाल वैद्य ‘किञ्जल्क’ को निधन

    आदर्श समाज सम्वाददाता श्रावण ८, २०८१
    पोखरा । शताब्दी काव्यपुरुष गोपाल वैद्य ‘किञ्जल्क’ को निधन भएको छ । उनको गएराति ११ बजे फेवा सिटी हस्पिटलमा उपचारका…
  • पोखरामा बोलबम सुरु, धार्मिक पर्यटनमा टेवा

    आदर्श समाज सम्वाददाता श्रावण ८, २०८१
    पोखरा । ‘बोलबमको ध्वनिले, शान्ति पाऊन् साराले’ भन्ने मूलमन्त्रका साथ पोखरामा यस वर्ष पनि बोलबम पदयात्रा सुरु भएको छ ।…
  • चिल्ड्रेन पार्कमा कांग्रेसको वृक्षरोपण

    आदर्श समाज सम्वाददाता श्रावण ७, २०८१
    पोखरा । पोखरा महानगरपालिका वडा नं. ५ प्रस्याङस्थित चिल्ड्रेन पार्क (शिवालय पार्क) मा वृक्षरोपण गरिएको छ । नेपाली कांग्रेस वडा…

hero news full width