सुकुम्वासीले घेरे वडा कार्यालय

आदर्श समाज सम्वाददाता
फागुन १, २०७५
sukumbasi

लेखनाथ, २९ माघ। पोखरा–३२, खुँदीखोलामा रहँदैआएका सुकुम्वासी वडा कार्यालयले दिँदै आएको सेवा सुविधा कटौती गरेको भन्दै आन्दोलनमा उत्रिएका छन् । उनीहरुले विभिन्न माग राख्दै मंगलबार वडा कार्यालय भवन घेराऊ गरेका छन् ।

२०५४ सालदेखि खुँदीखोला किनारको करिब ९ सय रोपनी क्षेत्रफलमा ६ सय ५० घरधुरीमा करिब ४ हजार संख्यामा सुकुम्बासी बस्दै आएका छन् । सयौंको संख्यामा आएका उनीहरुले मंगलवार बिहान १० बजेदेखि वडा कर्यालय घेराउ गरेका हुन्। राज्य पुर्नर्संरचना भैसके पनि जनप्रतिनिधिले आफ्नो सेवा सुविधा कटौती गरेको आक्रोशमा कार्यालय घेराऊ गरिएको उनीहरुले बताए ।

अखिल नेपाल सुकुम्वासी संघ पोखरा–३२ का अध्यक्ष जेवी घलेले विगतका सरकारले दिएका निम्नतम सुविधा लालपूर्जा वितरण नगरिनु, बसाइँसराइ र वडा मार्फत विनियोजित रकम उपलब्ध नगराउनु, वृद्धभत्ता जस्ता निम्नतम् सुविधाबाट वञ्चित गरेको भन्दै आन्दोलनमा उत्रिनुपरेको बताए ।

उनले सुकुम्बासी समस्या समाधान नगरी दलहरुले भोटको खेती गरेको भन्दै आक्रोश पोखे ।

वडाध्यक्ष अक्कलबहादुर कार्कीले वडामा सुकुम्बासीका समस्या चर्को रुपमा रहेकोले महानगरपालिका र सुकुम्वासी आयोगले जायज माग सम्बोधनमा ध्यान दिनुपर्ने बताउँछन् ।

कार्यक्रममा टोल अध्यक्ष भूपेन्द्र मास्के, अर्जुन मल्ल, सचिव रुपेश परियार, जगत परियार, सुलबहादुर परियार लगायतले राज्यको तर्फबाट पाउने सुविधा वञ्चित गरेमा आगामी दिनमा अझ सशक्त आन्दोलन गर्ने चेतावनी दिए ।

Related News

सम्बन्धित समाचार

  • प्रतिभा माविमा क्रिकेटको ‘प्राक्टिस नेट’

    आदर्श समाज सम्वाददाता असार ३०, २०८१
    पोखरा । प्रतिभा माविले क्रिकेट खेलाडी उत्पादन गर्ने लक्ष्यका साथ विद्यालय परिसरमा क्रिकेटको ‘प्राक्टिस नेट’ तयार पारेको छ । नेपाली…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…

hero news full width