खैरेनीटार, २४ माघ । शुक्लागण्डकी नगरपालिकाको विहीवार बसेको नगर कार्यपालिकाको बैठकले आगामी आर्थिक वर्षको योजनामा नगरपालिकाभित्र कुवाबाट डोकोमा पानी बोकेर खानुपर्ने गाउँहरुलाई पहिलो प्राथमिकतामा राखेको छ ।
यस्तै, नगरपालिकाभित्र खानेपानी सञ्चालन भएको तर रिजर्भ ट्याङ्की मर्मत गर्नुपर्ने र टुटेफुटेका पाइपहरु फेर्नुपर्ने खानेपानीका आयोजनालाई दोस्रो प्राथमिकता र कुवा धाराहरु संरक्षण र मर्मत गर्नुपनेर्लाई बैठकले तेस्रो प्राथमिकता दिएको छ । प्राथमिकता अनुसारका स्थलहरुको अनुगमन गरी प्राविधिक स्टमेट अनुसार योजना सम्पन्न गर्नको लागि १ करोड ४४ लाख ५० हजार बजेट बिनियोजन गर्ने निर्णय भएको नगर प्रबक्ता खिमबहादुर कुमालले जानकारी दिए ।
प्रवक्ता कुमालले नगरपालिकाभित्र सार्वजनिक जग्गाहरुमा नगरपालिकाको अनुमतिबिना अबैधरुपमा उत्खनन् गरेकालाई प्रदेश सरकारको दररेट एक घन मिटरको एक सय एकचालिस रुपैयाको दरले राजश्व असुली गर्ने र वडा ५ मा रहेको प्रोफर क्रसर उद्योग, वडा ७ मा रहेका शिवशक्ति क्रसर उद्योग र मिलिजुली क्रसर उद्योगहरुलाई राजश्व असुली जरिवाना गर्ने निर्णय गरिएको जनाए ।
उनले पहिलो पटक अनुमतिबिना उत्खनन् गनेर्लाई सम्पूर्ण घन मिटरको वीस प्रतिशत रकम दोस्रो पटकमा १ सय प्रतिशत साथै तेस्रो पटकमा सम्पूर्ण सामाग्री र सामान जफत तथा उद्योग बन्द गर्न सक्ने निर्णय भएको समेत बताए ।
कार्यपालिकाले नगरपालिकाको शिक्षा शाखाबाट पेश भएका वडा ६ मा रहेको खैरेनी माध्यमिक विद्यालय, वडा ८ मा रहेको गाउँफोर्दय माध्यमिक विद्यालय, वडा ५ मा रहेको जनकल्याण माध्यमिक विद्यालय, वडा ३ मा रहेको सहिद कृष्ण माध्यमिक विद्यालय, वडा १ थप्रेकमा रहेको सरस्वती माध्यमिक विद्यालय, वडा ७ शेराटारमा रहेको कुस्मावती प्राथमिक विद्यालय, वडा १० लोकतेटारमा रहेको सूर्य प्राथमिक विद्यालय र वडा १२ प्यूरीदोभानमा रहेको जनशिशु प्राथमिक विद्यालयहरुलाई नमूना विद्यालय छनोट मापदण्ड र विद्यालय सुधार कार्यक्रम पास गर्ने निर्णय गरेकोछ।
नगरपालिका भित्र रहेका सार्वजनिक जग्गाहरुको लगत राखी सार्वजनिक जग्गा अतिक्रमण गरी निर्माण भएका भौतिक संरचनालाई तुरुन्त रोक्ने निर्णय गरिएको जानकारी समेत नगरप्रवक्ताले दिए ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१