सरकारी गाडीमा विद्यार्थीले गरे आगजनी

आदर्श समाज सम्वाददाता
माघ २०, २०७५
vehicle (1)_Fotor

पोखरा, १९ माघ । पोखरा–७, मासबारस्थित घरेलु कार्यालय अगाडि सडकमा रोकीराखेको सरकारी गाडीमा शनिवार बिहान नेविसंघका विद्यार्थीले आगजनी गरेका छन्।

पोखरा महानगरीय शिक्षा महाशाखाको बा१झ ५८७९ नं को पिकअप भ्यानमा नेविसंघका विद्यार्थीले आगजनी गरेका हुन्।

सो घटनामा संलग्न पाँच जना विद्यार्थीलाई पक्राउ गरिएको जिल्ला प्रहरी कार्यालय कास्कीका प्रहरी प्रवक्ता प्रहरी नायव उपरीक्षक रवीन्द्रमान गुरुङले जानकारी दिए।

प्रहरीका अनुसार उनीहरुले गाडीका चालकलाई बाहिर निकालेर आगजनी गरेका हुन्। पोखरा महानगरको उक्त गाडी महानगरी शिक्षा महाशाखाले प्रयोग गर्दै आएको थियो। बिदाको दिन सरकारी गाडी चल्न नदिने नेविसंघको निर्णय छ।

महानगरपालिकाका प्रवक्ता धनबहादुर नेपालीले विज्ञप्ति प्रकाशित गर्दै सो भ्यान कार्यालयको पूर्व निधारित काममा प्रयोग भइरहेको अवस्थामा एक जत्थाले आगजनी गरेको घटनाप्रति गम्भीर ध्यानाकर्षण भएको जनाएको छ।

विज्ञप्तिमा सरकारी कामको सिलसिलामा गुडिरहेको सवारी साधनलाई रोकेर चालकलाई बलपूर्वक बाहिर निकाली नागरिकले तिरेको करबाट आर्जित सरकारी सम्पत्तिमा क्षति पुर्याएर महानगरको कामकारबाहीमा अवरोध पुर्याउने कार्यको घोरभत्र्सना गरिएको छ।

महानगरपालिकाले स्वास्थ्य महाशाखामा रिक्त रहेका विभिन्न पदहरुमा करारमा कर्मचारी नियुक्ति गर्न शनिबार तय गरिएको लिखित परीक्षा सञ्चालन गर्न शिक्षा महाशाखा प्रमुखलाई केन्द्राध्यक्ष तोकिएको र उनलाई लिन जाने क्रममा उक्त सवारीसाधनमा आगजनी गरी पूर्णक्षति गराइएको विज्ञप्तिमा उल्लेख छ।

प्रहरीले नेविसंघ पोखरा विश्वविद्यालयका सभापति डिफान भुजेल, ला ग्राण्डी कलेजका नेविसंघ सभापति विनय पौडेल, पोखरा विश्वविद्यालयका पूर्व सभापति राजेन्द्र बराल, नेविसंघ जिल्ला सभापति परशुराम बस्नेत र पूर्व सभापति लक्ष्मीप्रसाद पौडेललाई लेकसाइडको होटल ऋदमबाट पक्राउ गरी आवश्यक सोधपुछ जारी राखेको जनाएको छ ।

यस्तै, प्रहरीले ग१४प १७२९ र ग८प १६८९ नं को स्कुटर र बा५६प ३४८६ नम्बरको मोटरसाइकल नियन्त्रणमा लिइएको छ ।

Related News

सम्बन्धित समाचार

  • हेरालोले सिकायो कम्पोस्ट मल बनाउन

    आदर्श समाज सम्वाददाता असार ४, २०८१
    पोखरा । हेरालो प्रतिष्ठान कास्कीले अर्चलबोट आमा समूहमा आबद्ध महिलाहरुलाई कम्पोस्ट मल बनाउने सरल विधि सिकाउँदै फोहोरमैला व्यवस्थापनबारेमा अन्तर्राष्ट्रियसमेत गरेको…
  • भाषा संघको जापानी भाषा तालिम

    आदर्श समाज सम्वाददाता असार ४, २०८१
    पोखरा । भाषा संघ नेपाल (लान) को आयोजना छैटौं जापानी भाषा शिक्षक तालिम सम्पन्न भएको छ । तालिममा पोखरामा रहेका…
  • प्रादेशिक पुनर्स्थापना केन्द्र तत्काल सञ्चालन गर्न आग्रह

    आदर्श समाज सम्वाददाता असार ४, २०८१
    पोखरा । लैंगिक हिंसा व्यवपस्थापन सल्लाहकार समिति कास्कीको बैठक आइतबार सम्पन्न भएको छ । बैठकले लंैगिक हिंसा प्रभावितहरूको लागि अल्पकालीन…
  • भद्रकाली माविलाई फुटसल उपाधि

    आदर्श समाज सम्वाददाता असार ४, २०८१
    पोखरा । मदरल्यान्ड माविले आयोजना गरेको दोस्रो मदरल्यान्ड एसइई कप फुटसल प्रतियोगिताको उपाधि भद्रकाली माविले जितेको छ । भद्रकालीले फाइनलमा…
  • धर्मसभा कास्कीमा मोक्षनाथ

    आदर्श समाज सम्वाददाता असार ४, २०८१
    पोखरा । राष्ट्रिय धर्मसभा नेपाल जिल्ला कार्य समिति कास्कीको छैठौं अधिवेशनबाट मोक्षनाथ तिमिल्सिनाको अध्यक्षतामा २६ सदसीय कार्य समिति र सल्लाहकार…

hero news full width