पोखरा, १९ माघ। नेपाल पुलिस क्लबद्वारा लिग उपविजेता संकटा क्लब छैटौं संस्करणको मनकामना केबुलकार पोखरा कप फुटबल प्रतियोगितामा पराजित भएको छ।
पोखरा रंगशालामा शनिबार भएको अन्तिम प्रिक्वार्टरफाइनलमा पुलिसले संकटालाई २–१ गोलअन्तरले पराजित गर्दै क्वार्टरफाइनल प्रवेश गर्न सफल भएको हो। जितका लागि अभिषेक रिजाल र रवि पासवानले १–१ गोलको योगदान दिए।
खेलको ११ औं मिनेटमै सुवास गुरुङको पासमा विदेशी खेलाडी क्याक्सेल एलनको गोलबाट अग्रता लिए पनि संकटाको अग्रता खेलको ३१ औं मिनेटमा भंग भयो।
पुलिसका खेलाडी नीरकुमार राईको ब्याक पासमा अभिषेक रिजालले खेल बराबरीमा ल्याए। पहिलो हाफ बराबरीमा टुंगिएकोमा दोस्रो हाफमा संकटामाथि पुलिस हाबी देखियो।
खेलको ५४ औं मिनेटमा पुलिसका लागि रवि पासवानले गोल गर्दै टिमलाई अग्रता दिए। विपक्षी कीपर राजाबाबु थापा बिट भएको अवस्थामा रविले बललाई जाली चुमाउन सफल भएका हुन्। रवि नै म्यान अफ दी म्याच घोषित हुँदै नगद ५ हजार पुरस्कार पाए।
दोस्रो हाफको इन्जुरी टाइममा संकटाले आफ्नो संकट टार्न भरमग्दूर प्रयास गर्यो। इन्जुरी टाइमको छैटौ र अन्तिम मिनेटमा भएको गतिलो प्रहार विपक्षी कीपर शत्रुधन चौधरीले पञ्च गरी बचाएका थिए।
यसरी लिगमा छैटौं स्थानमा रहेको पुलिसले पोखरा रंगशालामा भने लिग उपविजेता संकटालाई पराजित गर्दै घर फर्काउन सफल भयो। यस सिजनमा खप्तड गोल्डकपको सेमिफाइनलमा पुलिसले संकटालाई पराजित गरेको थियो। लिगमा भने संकटाले २–१ ले जित हात पारेको थियो।
जितपछि पुलिसका प्रशिक्षक अनन्तराज थापाले अर्को खेलमा स्कोरिङ सुधार्ने बताए। उनले रातारात खेलाडी पोखरा आइपुग्दा थकित भएको र सोचेजस्तो प्रदर्शन गर्न नसकेको स्वीकारे।
उता, संकटाका प्रशिक्षक सल्यान खड्गीले गोलको मुखमा डिफेन्स कमजोर देखिएकोले पराजित हुनुपरेको बताए। उनले भने, ‘फुटबलमा गोल नै चाहिन्छ। हामीले पहिलो गोल निकाल्यौं। तर डिफेन्स कमजोर हुँदा पराजित हुनुपर्यो।’ दोस्रो हाफमा घाइते भएका पुलिसका हेमन्त श्रेष्ठ उपचारार्थ अस्पताल पुर्याइए।
खेल हेर्न अघिल्ला दिनका तुलनामा वेशी नै दर्शक पोखरा रंगशाला आएका थिए।
आयोजक कास्की जिल्ला फुटबल संघका अनुसार आइतबारदेखि क्वार्टरफाइनलमा खेल सुरु हुनेछन्। जसअनुसार पहिलो क्वार्टरफाइनलमा एपिएफ र थ्रिस्टारबीच खेल हुनेछ।
प्रतियोगितामा पहिलो चरणको खेल जित्दै एपिएफसहित क्यामरुनको डफिन्स टिम फेमेली र ब्रिगेड व्याइज क्लब अघिल्लो चरण प्रवेश गरिसकेका छन्।
Related News
सम्बन्धित समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१