शुक्रराज माविको स्वर्ण महोत्सव

विद्यालयको मैदानलाई १० लाख बिनियोजनः खेलकुद मन्त्री

एजेन्सी
माघ १६, २०७५
sukraraj_Fotor

पोखरा, १५ माघ। युवा तथा खेलकुद मन्त्री जगतबहादुर विश्वकर्माले पोखरा–२२, पुम्दीभुम्दीस्थित शुक्रराज माविको खेल मैदान निर्माण तथा मर्मतका लागि १० लाख रुपैयाँ मन्त्रालयबाट बिनियोजन भएको जानकारी दिएका छन् ।

विद्यालयको स्वर्ण महोत्सव समारोहको दोस्रो दिन मंगलबार विभिन्न दाता, विद्यालय व्यवस्थापन समिति पूर्व सदस्य, अक्षयकोषदाता, पूर्व प्रधानाध्यापक, पूर्व शिक्षक, पूर्व कर्मचारी लगायतलाई सम्मान गर्दै मन्त्री विश्वकर्माले सो जानकारी दिएका हुन् ।

विद्यालयमा संचालित प्राविधिक विषय पशु विज्ञानलाई अझ प्रभावकारी बनाउन मन्त्रालयले आवश्यक सहयोग गर्ने वचन दिँदै उनले अबको शिक्षा प्राविधिक तथा व्यावसायिक शिक्षा हुनुपनेर्मा जोड दिए।

मन्त्री विश्वकर्माले भने, ‘पुम्दीभुम्दी बहुआयामिक सम्भावना भएकोले यहाँको आर्थिक विकास र समृद्धि हासिल गर्न पर्यटन मुख्य आधार हुन सक्छ।’

गण्डकी प्रदेश सांसद राजीव पहारीले आफ्नो निर्वाचन क्षेत्रमा निरन्तर जनतासँग आउने जाने गरेको बताउँदै विद्यालयको आधुनिक तथा प्राविधिक शिक्षाको लागि आवश्यक सहयोग गर्ने जनाए। कार्यक्रममा पोखरा–२२ का वडाध्यक्ष मित्रलाल बराल, सदस्य मात्रिकाप्रसाद बराल, भूत पूर्व विद्यार्थी मञ्च अध्यक्ष बालकृष्ण बराल लगायतले विद्यालयको शैक्षिक गुणस्तरको लागि सहयोग गर्ने बताए।

प्रदेश सांसद समेत रहेका विद्यालय व्यवस्थापन समिति अध्यक्ष रामजी बराल जीवनको अध्यक्षतामा सम्पन्न समारोहमा विद्यार्थीले विभिन्न सांस्कृतिक कार्यक्रम प्रस्तुत गरेका थिए ।

विद्यालय प्राचार्य नरनाथ बरालले बुधबार स्वर्ण महोत्सव समापन हुने जानकारी दिए । त्रीदिवसीय समारोहअन्तर्गत समापनमा शिक्षा सचिव खगराज बरालको प्रमुख आतिथ्यता रहनेछ ।

Related News

सम्बन्धित समाचार

  • पशु प्रजनन् तालिम

    आदर्श समाज सम्वाददाता असार १६, २०७९
    पोखरा । नेपाल पशु स्वास्थ्य सेवा प्राविधिक संघ (नेल्टा) ले स्वरोजगारका लागि युवालाई पशु प्रजनन् तथा कृत्रिम गर्भाधान तालिम दिएको…
  • मगर सांस्कृतिक संघमा सरिता

    आदर्श समाज सम्वाददाता असार १६, २०७९
    पोखरा । नेपाल मगर सांस्कृतिक संघ, कास्कीको तेस्रो जिल्ला अधिवेशनबाट अध्यक्षमा सरिता सारू मगर पुनःनिर्वाचित भएकी छन् । अधिवेशनबाट उपाध्यक्षमा…
  • पोखरामा विद्यालयस्तरीय नृत्य प्रतियोगिता

    आदर्श समाज सम्वाददाता असार १६, २०७९
    पोखरा । पोखरा महानगरपालिका शिक्षा महाशाखाद्वारा आयोजित विद्यालयस्तरीय एकल नृत्य प्रतियोगिताको दोस्रो चरण जनप्रिय माविमा सम्पन्न भएको छ । प्रतियोगितामा…
  • हेमजामा असारे रोपाइँ महोत्सव

    आदर्श समाज सम्वाददाता असार १६, २०७९
    हेमजा । मानो खाएर मुरी उब्जाउने महिना हो, असार । त्यसैले अचेल कृषक धानखेती लगाउन बिहानदेखि बेलुकासम्म खेतमै व्यस्त हुने…
  • सिर्जनामा विविध क्रियाकलाप

    आदर्श समाज सम्वाददाता असार १५, २०७९
    पोखरा । सिर्जना आवासीय माविमा अतिरिक्त क्रियाकलापअन्तर्गत शुक्रबार युवा रेडक्रस सर्कल सिर्जना आवासीय माविको व्यवस्थापनमा पूर्व प्रावि तहदेखि कक्षा १०…

hero news full width