पोखरा, १३ माघ ।पोखरा–७, माछापुच्छ्रे टोलस्थित पोखरा लर्नस एकेडेमीमा १३ औ संस्करणको त्रिदिवसीय खेलकुद कार्यक्रम सुरु भएको छ । कार्यक्रमको आइतबार संघीय ईकाई प्रहरी गण्डकी प्रदेशका वरिष्ठ प्रहरी उपरिक्षक राजेन्द्रप्रसाद चौधरीले उद्घाटन गरे ।

उद्घाटन समारोहमा बोल्दै उनले खेलकुद हारजितको लागि भन्दापनि विद्यार्थीको सर्वाङ्गीण विकासको लागि आबश्यक पर्ने बताए । कार्यक्रममा बोल्दै विद्यालयका निदेर्शक ईश्वरबन्धु गौतम, संस्थापक प्राचार्य, विधान गौतम, सह–प्राचार्य उष्णा गौतमले विद्यार्थीले खेलकुदबाट समेत सुन्दर भविष्य बनाउन सक्ने भनाइृ राखे ।

तीन दिनसम्म फुटबल, ह्याण्डबल, दौड, रस्साकस्सी, कबड्डी, बेलुन फुटाई, तातो आलुलगायतका खेल सञ्चालन हुने कार्यक्रम संयोजक कृष्णप्रसाद लम्सालले जनाए । खेलकुद कार्यक्रम मंगलबारसम्म चल्नेछ । एजेन्सी