दुर्घटनामा एसपीको  मृत्यु,  सिडिओ  घाइते 

आदर्श समाज सम्वाददाता
माघ १३, २०७५

पोखरा, १२ माघ। सवारी दुर्घटनामा परी सशस्त्र प्रहरी बलका प्रहरी उपरीक्षक बलराम पोखरेलको मृत्यु भएको छ।

बाराका प्रमुख जिल्ला अधिकारीसहितका सुरक्षा अधिकारी चढेको ना१झ १६३३ नम्बरको सरकारी जिप शनिवार राति दुर्घटनाग्रस्त हुँदा एसपी पोखरेलको मृत्यु भएको हो। दुर्घटनामा प्रजिअ गणेश भट्टराईसहित ३ जना गम्भीर घाइते छन्। कर्मचारी मिलन केन्द्र बाराको वनभोज खाएर फर्कनेक्रममा पथलैया–निजगढ सडकखण्डको पसाहा पुलनजिक जीप दुर्घटनामा परेको हो। दुर्घटनालगत्तै सिमरास्थित अल्पाइन अस्पतामा उपचारका लागि लगिए पनि चिकित्सकले पोखरेललाई मृत घोषणा गरे। एसपी पोखरेल सशस्त्र प्रहरी बल १२ नं गणका प्रमुख थिए।

चिकित्सकका अनुसार सिडिओ भट्टराईको अवस्था गम्भीर रहेको छ। उनको टाउकोमा गम्भीर चोट लागेको छ।

दुर्घटनामा चालक जगत पटेल, सशस्त्र प्रहरी हवल्दार सञ्जयकुमार यादव र प्रहरी हवल्दार शम्भु गुरुङ सामान्य घाइते भएका छन्। घाइतेको वीरगञ्जस्थित अस्पतालमा उपचार भइरहेको छ। वनभोजमा बाराका अधिकांश सरकारी कार्यालयका कर्मचारी सहभागी थिए।

फर्कने क्रममा सडकमा रोकिरहेको ट्रयाक्टरको ट्रेलरमा गाडी ठोक्किएको हो। गाडी सडकबाट १० मिटर तल खसेको छ।

Related News

सम्बन्धित समाचार

  • विद्यार्थीलाई गुन्द्री बुन्नेदेखि दुनाटपरी तयार गर्ने सीप

    रासस मंसिर १६, २०७९
    पाल्पा । आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा यहाँको एक विद्यालयले प्रयोगात्मकसँगै व्यवहारिक ज्ञान, सीप…
  • गोरखकाली रबर उद्योग : चिनियाँ टोलीको उद्योग सञ्चालनमा चासो

    प्रकाश ढकाल मंसिर १६, २०७९
    पोखरा । नेपालमा भारत, चीन, इटाली, अमेरिकालगायत देशबाट बढी टायर भित्रिन्छ । बर्सेनि १२ अर्ब रुपैयाँभन्दा बढी टायर खरिदमा नेपालले…
  • ‘जंगल जंगल डुल्नुपर्छ भन्ने चिन्ताले नर्सिङ’

    आदर्श समाज सम्वाददाता मंसिर १५, २०७९
    पोखरा । पोखरेली युवा सांस्कृतिक परिवारले स्रष्टाका अनुभव र अनुभूतिअन्तर्गतको नयाँ शृंखलामा मंगलबार साहित्यकार तथा राधा पौडेललाई प्रस्तुत ग¥यो ।…
  • दलले गुमाए मत

    प्रकाश ढकाल मंसिर १५, २०७९
    पोखरा । पहिलो पार्टी बन्ने तरखरमा रहेको नेपाली कांग्रेस र बलियो पहिलो पार्टीबाट दोस्रोमा खस्किन लागेको एमालेसहित परम्परागत अधिकांश दलको…
  • कास्कीमा ५ प्रतिशत मत बदर

    रासस मंसिर १४, २०७९
    पोखरा ।कास्कीमा यस पटकको प्रतिनिधिसभा तथा प्रदेशसभा निर्वाचनमा करिब पाँच प्रतिशत मत बदर भएको छ । तीन निर्वाचन क्षेत्र रहेको…

hero news full width