जनसेवीको नाफा ४३९ प्रतिशतले वृद्धि

एजेन्सी
माघ ११, २०७५
janasebi

पोखरा, १० माघ । पर्वतको जनसेवी लघुवित्त वित्तीय संस्था लिमिटेडले चालु आवको पुस मसान्तसम्म ७९ लाख २५ हजार नाफा आर्जन गर्न सफल भएको छ।

गत वर्षको सोही अवधिमा १८ लाख १ हजार ७ सय ८७ नाफा गरेकोमा यस वर्ष ४३९ प्रतिशतले नाफामा वृद्धि गर्न सफल भएको प्रमुख कार्यकारी अधिकृत कमल खत्रीले बताए।

संस्थाको कोषमा हाल ४३ लाख १० हजार ५५ रहेको छ भने प्रतिसेयर आम्दानी १२.५१ रहेको जनाइएको छ।

संस्थाले सर्वसाधारणका लागि ४ करोड ६३ लाख ३० हजार रुपैयाँ बराबरको सेयर निस्कासन गर्न धितोपत्र बोर्डमा स्वीकृतिका लागि निवेदन दर्ता गरिसकेको छ । वित्तीय संस्थाको कार्यक्षेत्र १० जिल्लाहरु पर्वत, बागलुङ, म्याग्दी, रुकुम, रोल्पा, गोरखा, तनहुँ, लमजुङ, कास्की र गुल्मीबाट २५ वटा शाखा कार्यालय मार्फत लघुवित्त सेवा प्रवाह भइरहेको छ ।

संस्थाको अधिकृत पुँजी ३० करोड, जारी पुँजी १४ करोड ४३ लाख ३० हजार र चुक्ता पुँजी ९ करोड ८० लाख रहेको छ।

संस्थाले गरीब तथा न्यून आय भएको जनसमुदायमा समूह विस्तार गरी १३ हजार २ सय ४ जना ग्राहक सदस्यबाट पुस मसान्तसम्म १५ करोड ४८ लाख ८८ हजार रुपैयाँ बचत संकलन गरेको छ।

वित्तीय संस्थाले ७ हजार ४ सय ६८ जना सदस्यलाई १ अर्ब ६० करोड ५ लाख १९ हजार रुपैयाँ कर्जा प्रवाह गरी १ अर्ब ८ करोड ७५ लाख १८ हजार असुली भई हाल ५१ करोड ३० लाख १ हजार रुपैयाँ लगानीमा रहेको प्रमुख कार्यकारी अधिकृत कमल खत्रीले बताए।

Related News

सम्बन्धित समाचार

  • पोखरा रोयल सहकारीको २३औं स्थापना दिवस

    आदर्श समाज सम्वाददाता जेठ ८, २०८१
    पोखरा । पोखरा रोयल बचत तथा ऋण सहकारी संस्थाले आज २३औं स्थापना दिवस मनाउँदैछ । सहकारी स्थापना दिवसको अवसरमा सहकारीले…
  • गुहेश्वरी मर्चेन्टको वित्तीय साक्षरता

    आदर्श समाज सम्वाददाता जेठ ७, २०८१
    काठमाडौं । गुहेश्वरी मर्चेन्ट बैंकिङ एन्ड फाइनान्सले ललितपुर जिल्लाको ललितपुर मनपा १३ मा अवस्थित सामुदायिक विद्यालय महेन्द्र भृकुटी माध्यमिक विद्यालयमा…
  • भरतपुरमा सुजुकी मोटर्सको शोरुम

    आदर्श समाज सम्वाददाता जेठ ७, २०८१
    चितवन । सुजुकी ब्रान्डको ४ पांग्रे सवारी साधनको चितवनका लागि आधिकारिक बिक्रेता साध्वी इन्टरनेसनल प्रालि उद्घाटन गरिएको छ । भरतपुर…
  • पोखरा आइडिया मार्ट सुरु, १९ समूह छनोट

    आदर्श समाज सम्वाददाता जेठ ७, २०८१
    पोखरा । व्यवसाय प्रवद्र्धन केन्द्र पोखरा महानगरपालिकाको आयोजना एवं नेपाली युवा उद्यमी मञ्चको सहकार्यमा पोखरा आइडिया मार्ट तथा बुट क्याम्प…
  • पोउवा संघमा इलामका व्यवसायी

    आदर्श समाज सम्वाददाता जेठ ६, २०८१
    पोखरा । पोखरा र इलाम उद्योग वाणिज्य संघबीच व्यवसाय प्रवद्र्धन र उत्पादित वस्तुहरूको बजारीकरणका निम्ति सहकार्य गर्ने सहमति जुटेको छ…

hero news full width