सडकमै चालकको स्वास्थ्य जाँच

आदर्श समाज सम्वाददाता
माघ ४, २०७५
lamjung_Fotor

लमजुङ, ३ माघ। सडक दुर्घटना न्यूनीकरणका लागि ट्राफिक प्रहरीले सडकमै चालकको स्वास्थ्य परीक्षण थालेको छ। लमजुङमा ट्राफिक प्रहरीले पहिलो पटक विहीवार सवारी चालकको स्वास्थ्य जाँचसहित सवारीको अवस्था परीक्षण शुरु गरेको हो । ‘सवारी चेकजाँच होला भनेको थिएँ, आफ्नै स्वास्थ्य चेक भयो,’ बसचालक नवराज वाग्लेले भने, ‘ट्राफिक प्रहरीले राम्रो कामको शुरुवात गरेको रहेछ।’

‘सवारी दुर्घटनाबाट आफू पनि बचौं र अरुलाई पनि बचाऔं’ नाराका साथ स्वास्थ्य कार्यालयका प्राविधिकको सहयोगमा सो कार्य गरिएको हो ।

‘चालकको ब्लड प्रेसर, आँखाको स्वास्थ्य जाँचसहित सवारीको अवस्था र आवश्यक कागजात चेक गरिएको छ,’ ट्राफिक प्रहरी सहायक निरीक्षक राम अवतार चौधरीले भने। उनका अनुसार ट्राफिकको केन्द्रीय कार्यालय निदेर्शन अनुसार हरेक हप्ता चेकजाँच गरिने छ। पहिलो दिन ५१ सवारीचालकको स्वास्थ्य अवस्था, सवारीको अवस्था चेकजाँच गरिएको ट्राफिक हवल्दार भूमिराज घिमिरेले जानकारी दिए। वेशीशहरबाट छुटेका र आउँदै गरेका सवारीमध्ये बस २३, ट्याक्टर ४, जिप/कार १५ र मालबाहक ट्रक ९ को जाँचसहित सम्बन्धित चालकको स्वास्थ्य जाँच गरिएको हो । यसअघि ट्राफिक चेकजाँचक्रममा सवारी कागजात र मादक पदार्थ सेवन (मापसे) मात्रै जाँच हुँदै आएको थियो । अब सवारीको अवस्था र चालकको स्वास्थ्य नै परीक्षण भएपछि ट्याक्सी चालक बुद्धि क्षत्रीसमेत खुसी देखिन्थे। उनले भने, ‘ट्राफिक प्रहरीले शुरु गरेको अभियानमा हामी सबैले साथ दिनपर्छ।’

जिल्ला प्रहरी कार्यालय र जिल्ला ट्राफिक प्रहरी कार्यालयको संयुक्त आयोजनामा वेशीशहर–२, भकुण्डेवेशीमा सो परीक्षण गरिएको हवल्दार भूमिराज घिमिरेले बताए।

Related News

सम्बन्धित समाचार

  • विद्यार्थीलाई गुन्द्री बुन्नेदेखि दुनाटपरी तयार गर्ने सीप

    रासस मंसिर १६, २०७९
    पाल्पा । आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा यहाँको एक विद्यालयले प्रयोगात्मकसँगै व्यवहारिक ज्ञान, सीप…
  • गोरखकाली रबर उद्योग : चिनियाँ टोलीको उद्योग सञ्चालनमा चासो

    प्रकाश ढकाल मंसिर १६, २०७९
    पोखरा । नेपालमा भारत, चीन, इटाली, अमेरिकालगायत देशबाट बढी टायर भित्रिन्छ । बर्सेनि १२ अर्ब रुपैयाँभन्दा बढी टायर खरिदमा नेपालले…
  • ‘जंगल जंगल डुल्नुपर्छ भन्ने चिन्ताले नर्सिङ’

    आदर्श समाज सम्वाददाता मंसिर १५, २०७९
    पोखरा । पोखरेली युवा सांस्कृतिक परिवारले स्रष्टाका अनुभव र अनुभूतिअन्तर्गतको नयाँ शृंखलामा मंगलबार साहित्यकार तथा राधा पौडेललाई प्रस्तुत ग¥यो ।…
  • दलले गुमाए मत

    प्रकाश ढकाल मंसिर १५, २०७९
    पोखरा । पहिलो पार्टी बन्ने तरखरमा रहेको नेपाली कांग्रेस र बलियो पहिलो पार्टीबाट दोस्रोमा खस्किन लागेको एमालेसहित परम्परागत अधिकांश दलको…
  • कास्कीमा ५ प्रतिशत मत बदर

    रासस मंसिर १४, २०७९
    पोखरा ।कास्कीमा यस पटकको प्रतिनिधिसभा तथा प्रदेशसभा निर्वाचनमा करिब पाँच प्रतिशत मत बदर भएको छ । तीन निर्वाचन क्षेत्र रहेको…

hero news full width