बगर भाइखलकको एट–ए–साइड भेट्रान्स फुटबल

विदेशीसहित २६ टिमको सहभागिता हुने

आदर्श समाज सम्वाददाता
माघ ४, २०७५
Bagar Bhai Khalak_Fotor

पोखरा, ३ माघ । आठौं संस्करणको रञ्जित गुरुङ स्मृति बगर भाइखलक एट–ए–साइड अन्तराष्ट्रिय भेट्रान्स फुटबल प्रतियोगिता पोखरामा माघ ८ देखि शुरु हुँदैछ ।

बगर भाइखलक संस्थाको आयोजनामा हुने प्रतियोगितामा विदेशी २ टिमसहित २६ टिमले प्रतिस्पर्धा गर्ने विहीवार पत्रकार सम्मेलनमा संस्था अध्यक्ष एवं प्रतियोगिता मूल आयोजक समिति संयोजक दिलबहादुर गुरुङले जानकारी दिए । उनका अनुसार विदेशी टिममा भारतको कलकत्ता र सिलिगुढीको टिमसहित पोखराबाट ७, काठमाडौंबाट ७ र बाँकी मोफसलका अन्य ठाउँबाट १० टिमले भाग लिनेछन् ।

पोखराको पुरानो टुंडिखेलस्थित राष्ट्रिय माध्यमिक विद्यालयको खेल मैदानमा माघ १२ गतेसम्म संचालन हुने प्रतियोगितामा नेपालका पूर्व राष्ट्रिय चर्चित खेलाडी उपेन्द्रमान सिंह र बालगोपाल महर्जनलगायतका भेट्रान्स खेलाडीले सहभागिता जनाउनेछन् ।

विजेताले १ लाख र उपविजेताले ५० हजार नगद साथमा ट्रफी, पदक र प्रमाणपत्र प्राप्त गनेर्छन् ।

त्यस्तै, सर्वाधिक गोलकर्ता, सर्वोत्कृष्ट खेलाडी, फाइनल खेलको म्यान अफ दि म्याच प्राप्त गर्ने खेलाडीलाई ट्रफीसहित जनही ५ हजार पुरस्कार प्रदान गरिने छ ।

‘स्वास्थ्यका लागि एक घण्टा व्यायाम, नागरिकहरुका लागि नौलो आयाम’ भन्ने मूल नारासहित बगर भाइखलक पोखराले २०६८ सालदेखि भेट्रान्स फुटबल प्रतियोगिता संचालन गर्दै आएको छ ।

४० वर्षदेखि ६५ वर्षको उमेर समूहका पाका खेलाडी प्रतियोगितामा भाग लिनेछन् ।  गत वर्ष आयोजकले खेल जितेको थियो ।

यसपालि पूर्व अन्तराष्ट्रिय फुटबल खेलाडी एवं पूर्व राष्ट्रिय प्रशिक्षक एवं एन्फाका केन्द्रीय उपाध्यक्ष कृष्णबहादुर थापालाई ताम्रपत्र एवं दोसल्लासहित सम्मान गरिने कार्यक्रम छ ।

खेलका लागि कुल १३ लाख ५० हजार खर्च र १८ लाख आम्दानी हुने संस्थाको अनुमान छ ।

संस्थाका महासचिव यामबहादुर गुरुङले बचत रकममध्ये १ लाख ५१ हजार सामाजिक उत्तरदायित्वअन्तर्गत टुँडीखेल खेलमैदान स्तरोन्नतिमा खर्चिनेछ ।

Related News

सम्बन्धित समाचार

  • १७ औं प्याब्सन स्पोर्टस्: ७७१२ विद्यार्थी प्रतिस्पर्धामा

    आदर्श समाज सम्वाददाता मंसिर २१, २०७९
    पोखरा । १७ औं प्याब्सन स्पोर्टस् मिटअन्तर्गत बुधबारदेखि सिनियर र जुनियरतर्फ फुटबल प्रतिष्पर्धा सुरु भएको छ । प्याब्सन कास्कीको आयोजनामा स्पोर्टस्…
  • त्रिवेणी कप विजेतालाई ५ लाख !

    आदर्श समाज सम्वाददाता मंसिर २१, २०७९
    लमजुङ । त्रिवेणी कप फुटबल प्रतियोगिताको ३० औं शृंखला तयारी थालिएको छ । त्रिवेणी क्लबद्वारा मंगलबार आयोजित पत्रकार सम्मेलनमा पुस…
  • प्रदेश खेलकुदमा अभिमुखीकरण

    आदर्श समाज सम्वाददाता मंसिर १९, २०७९
    पोखरा । प्रदेश खेलकुद परिषद गण्डकीमा एक दिने अभिमुखीकरण तालिम सम्पन्न भएको छ । प्रदेश खेलकुद परिषदका सदस्य र जिल्ला…
  • पुरुषतर्फ रोशन र महिलामा पल्लबीले जिते स्वर्ण

    आदर्श समाज सम्वाददाता मंसिर १९, २०७९
    पोखरा । लेखनाथ क्योकुसिन–कान कराते डोजोले आयोजना गरेको लेखनाथ डोजो जुनियर फुल कन्ट्रयाक्ट कराते च्याम्पियनमा पुरुष ५० केजीतर्फ रोशन गुरुङले…
  • विजेता खेलाडी र अफिसियललाई सम्मान

    आदर्श समाज सम्वाददाता मंसिर १९, २०७९
    पोखरा । प्रदेश खेलकुद परिषद गण्डकीले आइतबार पोखरामा खेलाडी, प्रशिक्षक, व्यवस्थापक तथा खेल संघलाई नगदसहित सम्मान गरेको छ । नवौं…

hero news full width